༧. ཨེ་ཡྻཱ
ཨེ་ཡྻཱ་དོ་ཏཱི་མི་ནཱ ཨེ་ཡྻཱ་དྱ་ཏྠོ ག་ཧི་ཏོ་ཏི བོ་དྷེ་ཏུཾ ཡེ་ནེ་ཙྩཱ་དི་ཀཾ ཝུ་ཏྟཾ. ནི་མི་ཏྟ་ས་དྡཱ་པེ་ཀྑཱ་ཡ ཏ་ནྟི ཝ་ཏྟ་བྦེ ཝི་ས་ཡ་ས་དྡཱ་པེ་ཀྑཱ་ཡ་སོ་ཏི ཝུ་ཏྟཾ. ཏེ་ས་ནྟི ཨེ་ཡྻཱ་དཱི་ནཾ. ཝི་ས་ཡཾ ད་སྶེ་ཏི ‘ཧེ་ཏུ་ཕ་ལེ་སྭི་ཙྩཱ་དི་ཀོ’ཏི. ཨཱ་དི་ས་དྡེ་ན པ་ཉྷ་པ་ཏྠ་ནཱ་ད་ཡོ ག་ཧི་ཏཱ. ཨ་ཐཱ་ཏྲ ཀྲི་ཡ་གྒ་ཧ་ཎཱ་བྷཱ་ཝེ ཀྲི་ཡཱ་ཏི་པ་ཏྟི་ཡ་ནྟི ཀ་ཐཾ ལ་བྦྷ་ཏི་ཙྩཱ་ཧ- ‘ཀྲི་ཡཱ་ཏི པ་ཏྟི་ཡ’ནྟི ཨཱ་དི. ཀྲི་ཡཱ་ཏི་པ་ཏྟི་ཡ་ནྟི ཝི་ཝ་ར་ཎཾ ཀ་ཏ་ནྟི ས་མྦ་ནྡྷོ.
ཨ་བྷི་དྷེ་ཡྻ་དྭཱ་རེ་ནཱ་ཏི ཀི་རི་ཡཱ་ས་ངྑཱ་ཏ་ཨ་ཏྠ་མུ་ཁེ་ན, པ་ཀ་ཏ་ཀྲི་ཡ་ཏྠ ཝི་སེ་ས་ན་ཏྟཱ་ཏི ཀྲི་ཡ་ཏྠཱ་དྷི་ཀཱ་ར་ཏོ ཨ་དྷི་ཀ་ཏ་སྶ དྷཱ་ཏུ་སྶ ཝི་སེ་ས་ན་ཏྟཱ. ཨི་དཾ ཝུ་ཏྟཾ ཧོ་ཏི ‘‘ཨ་ཏི་པ་ཏྟི་ཡ་ནྟི ཨ་དྷི་ཀ་ཏ་ཀྲི་ཡ་ཏྠ་ཝི་སེ་ས་ནཾ, ཝི་སེ་ས་ན་ཉྩ ཧོ་ནྟཾ ནོ་ཛུ་ཀཾ བྷ་ཝི་ཏུ་མ་ར་ཧ་ཏི ཀི་ཉྩ་ར་ཧི ཨ་བྷི་དྷེ་ཡྻ་དྭཱ་རེ་ན, ཏ་ཐཱ་ཧི ཨ་ཏི་པ་ཏ་ནཾ ནཱ་མ ཀྲི་ཡཱ་ཡ ཧོ་ཏི, ན ཀྲི་ཡ་ཏྠ་སྶ ཨ་ཡུ་ཛྫ་ན་ཏོ, ཏ་སྨཱ ཨ་ཏི་པ་ཏྟི་ཡ་ནྟི་ཝུ་ཏྟེ་ཀྲི་ཡཱ་ཏི་པ་ཏྟི ཡ་ནྟི ཨི་དཾ ཀྲི་ཡ་ཏྠ་ཝི་སེ་ས་ནཾ ཧོ་ནྟཾ ཨ་བྷི་དྷེ་ཡྻ་དྭཱ་རེ་ན ཧོ་ཏཱི་ཏི ཀྲི་ཡཱ་ཏི་པ་ཏྟི་ཡ་ནྟི ཝི་ཝ་ར་ཎཾ ཀ་ཏ’’ནྟི. ཝི་དྷུ་ར་པྤ་ཙྩ་ཡོ་པ་ནི་པཱ་ཏ་ཏོ་ཏི ཝི་རུ་དྡྷ་པྤ་ཙྩ་ཡ་ས་མ་ཝཱ་ཡཱ་ཏི ཨ་ཏྠོ.
ཀཱ་ར་ཎ་ཝེ་ཀ་ལླ་ཏོ་ཝཱ་ཏི ཧེ་ཏུ་མ་ཏོ ཕ་ལ་སྶ ཡོ ཧེ་ཏུ ཏ་སྶ ཝི་ཀ་ལ་ཏྟེ་ན. ཏ་ཏྲེ་ཏཱི་མ་སྶ ཨ་ཏྠོ ཝ་ཏྟ་མཱ་ན་ཝི་ས་ཡེ་ཏི. ཀྲི་ཡཱ་ཏི་པ་ཏྟི་ཡ་ནྟི བྷཱུ་ཏཱ་དི ཀྲི་ཡཱ་ཏི་པ་ཏྟི་ཡཾ. ལི་ངྒ་ཏོ་ཏི ནི་མི་ཏྟེ་ན. ག་མ་ཀེ་ན ལི་ངྒེ་ན ག་མྨཱ་ཡཱ་ཏི་པ་ཏྟི་ཡཱ བུ་ཛ྄ཛྷ་ན་ཀཱ་ལཾ ཝ་ཏྟ་མཱ་ནོ ཀཱ་ལོ ན ཏི་ཊྛ་ཏི ཨ་ཏི་ཀྐ་མ་ཏཱི་ཏི ཨཱ་ཧ- ‘ཝ་ཏྟ་མཱ་ན་ཏཱ་ཡ བྱ་ཏི་ཀྐ་མཱ’ཏི. ཏ་དེ་ཝ ཕུ་ཊ་ཡ་ཏི ‘ས་མ་ཀཱ་ལ’ནྟི་ཨཱ་དི་ནཱ. ས་མ་ཀཱ་ལ་ནྟི ཨེ་ཀ་ཀྑ་ཎེ. ཝ་ཏྟ་མཱ་ན་སྶ ཀྲི་ཡཱ་ཏི་པ་ཏྱ་ས་མྦྷ་ཝཱ ཏ་ད་ཝ་སི་ཊྛཱ་ཏཱི་ཏཱ་ནཱ་ག་ཏེ་སྭེ་ཡྻཱ་དཱི་ན་མྦྷཱ་ཝོ (ཨ་ཉྙ་ཐཱ) ནུ་པ་པ་ཏྟི་ཡཱ་ཏི ཝུ་ཏྟཾ ཝུ་ཏྟི་ཡཾ ‘སཱ་མ་ཏྠི་ཡཱ་ཏི་ཨཱ་དི.
ལི་ངྒེ་ནཱ་ཏི ཨེ་ཏྠ པུ་བྦེ ད་ཀྑི་ཎེ་ན ག་མ་ནེ ས་ཏི ས་ཀ་ཊི་སྶཱ་པ་རི་ཡཱ བྷ་ཝ་ན་ད་སྶ་ནཾ ད་ཀྑི་ཎེ་ན ག་མ་ན་སྶ ས་ཀ་ཊཱ་པ་རི་ཡཱ་བྷ་ཝ་ན་ཧེ་ཏུ་ཏྟེ ལི་ངྒཾ, ད་ཀྑི་ཎེ་ན ག་མ་ན་སྶཱ་ཏི་པ་ཏྟི་ཡཱ ཨ་ཉྙ་ཏོ ག་མ་ནཱ་དི ལི་ངྒཾ. ས་ཀ་ཊཱ ཀི་རི་ཡཱ་བྷ་ཝ་ནཱ་ཏི་པ་ཏྟི་ཡཱ ས་ཀ་ཊེ ག་རུ་བྷཱ་རཱ་རོ་པ་ནཱ་དི ལི་ངྒཾ. པ་ཋ་མ་ཝ་ཡེ ཨ་ར་ཧ་ཏྟ་བྷ་ཝ་ནཾ ཏཾ་ཧེ་ཏུ་བྷཱུ་ཏ་ཉྩ པ་བྦ་ཛྫཾ པ་རེ་སཾ པ་ཋ་མ་ཝ་ཡེ པ་བྦ་ཛྫཱ་ནི་མི་ཏྟཱ་ར་ཧ་ཏྟ་པྤ་ཏྟི་ལི་ངྒེ་ན ཝི་ཉྙཱ་ཡ པ་བྦ་ཛྫཱ་ཡཱ་ཏི་པ་ཏྟི གྷ་ར་ཀ་མྨ་བྱཱ་ཝ་ཊ་ཏཱ་དི་ལི་ངྒེ་ན, ཨ་ར་ཧ་ཏྟ་སྶཱ་ཏི་པ་ཏྟི ཙ པ་བྦ་ཛྫཱ་ནི་མི་ཏྟཱ་བྷཱ་ཝེ་ན [བྷཱ་ཝ་ཝི་ར་ཧེ་ན (པོ་ཏྠ་ཀེ)] ལི་ངྒེ་ནཱ་ཝ་སཱི་ཡ་ཏེ་ཏི ལི་ངྒེ་ན བྷཱུ་ཏ ཀྲི་ཡཱ་ཏི་པ་ཏྟི པ་ན ཝེ་དི་ཏ་བྦཱ, ཡ་དི པ་ནེ་ཝ་མ་བྷི་ཉྙཱ་ལཱ་བྷཱི པ་ཡུ་ཉྫ་ཏི ཏ་དཱ པ་ཙྩ་ཀྑ་ཉཱ་ཎེ་ནེ་ཝ ས་བྦཾ ཝི་ཉྙཱ་ཡ པ་ཡུ་ཉྫ་ཏཱི་ཏི ཝེ་དི་ཏ་བྦཾ. ལི་ངྒ་ཏོ་ཝ་སཱི་ཡ་མཱ་ནཱ་ཡ་ནྟི པ་ན བཱ་ཧུ་ལླེ་ན ཝུ་ཏྟཾ.