༡༤༢. ཨ་དྷཱ

དྷཱ་ཏུ་ཏོ ཨ་ཉྙོ ས་དྡོ ཨ་དྷཱ་ཏུ ཏ་སྶ. པ་ཉྩི་ཀཱ་ཡ་མྤ་ན པ་ཀ་ཏི་པི ས་དྡོ་ཡེ་ཝཱ་ཏི དྷཱ་ཏུ་ཏོ་ཨི་ཙྩཱ་དི་ནཱ ཨ་དྷཱ་ཏུ་ས་དྡ་སྶ ཨ་ཏྠ་མ་ཏྟཾ ཝུ་ཏྟཾ.

ཏ་སྶཱ་ཏི ཨ་དྷཱ་ཏུ་པྤ་ཀ་ཏི་ཡཱ, ཨ་དྷཱ་ཏུ་ས་དྡ་སྶཱ་ཏི ཝུ་ཏྟཾ ཧོ་ཏི. ཏེ་ན་ཙཱ་ཏི ཀ་ཀཱ་རེ་ན ཙ, ཏ་སྨཱ་ཏི ཏེ་ན ཀཱ་ར་ཎེ་ན. པུ་བྦ་གྒ་ཧ་ཎ་མ་ནྟ་རེ་ནཱ་ཏི་པཱ་ཎི་ནི་ནཱ ཨི་ཀཱ་རཱ་དེ་ས་ཝི་དྷཱ་ཡ་ཀེ ཨི་མ་སྨིཾ་ཡེ་ཝ སུ་ཏྟེ་ཀ་ཀཱ་ར་ཏོ པུ་བྦ་སྶ ཨི་ཀཱ་རཱ་དེ་ས་ཝི་དྷཱ་ན་ཏྠཾ པུ་བྦ་གྒ་ཧ་ཎཾ ཀ་ཏཾ, ཏཾ པུ་བྦ་སྶཱ་ཏི་ཝ་ཙ་ནཾ ཝི་ནཱ་ཏི ཨ་ཏྠོ. ས་ཙེ་ཏི་ཨཱ་དི་ནཱ ཀ་ཐ་ཡ་ཏཱི་ཏི ས་མྦ་ནྡྷོ. ‘‘བྱ་ཉྫ་ནེ དཱི་གྷ་ར་སྶཱ’’ཏི (༡-༣༣) ར་སྶོ ཝུ་ཏྟོ, ཨ་སྶཱ་ཏི ཛཱ་ཏི་ནི་དྡེ་སེ ཏུ ཨཱ་ཀཱ་ར་སྶ་ཙི་ཀཱ་རོ བྷ་ཝ་ཏྱེ་ཝ, སི་ཡཱ ཨེ་ཏ་ནྟི བ་ཧུ་པ་རི་བྦཱ་ཛ་ཀཱ་ཏི ཨེ་ཏཾ རཱུ་པཾ ཧོ་ཏི. སྱཱ་དྱ་ཏྲ བྱ་ཝ་ཧི་ཏོ… ཀ་ཀཱ་ར་ཏོ པུ་བྦེ སྱཱ་དི, ན སྱཱ་དི ཀ་ཀཱ་རཱ པ་རོ་ཏི.

ན་ནུ ཙ ཨ་སྱཱ་དི་ཏོ་ཏི ཨེ་ཏྠ པ་ས་ཛྫ་པྤ་ཊི་སེ་དྷོ ན་ཉ ཀ་སྨཱ ག་ཧི་ཏོ, ན པ་རི་ཡུ་དོ་སོ་ཏི ཨཱ་ས་ངྐི་ཡ པ་རི་ཡུ་དཱ་སེ་སྨིཾ ག་ཧི་ཏེ ས་ཏི དོ་སཾ ཝ་ཏྟུ་མཱ་ར་བྷ་ཏེ ‘པ་རི་ཡུ་དཱ་སེ’ཨི་ཙྩཱ་དི་ནཱ. སྱཱ་དི་ཏོ་ཏི སྱཱ་དྱ་ནྟ་ཏོ པ་རི་བྦཱ་ཛ་ཀ་ས་དྡ་ཏོ. པ་རི་བྦཱ་ཛ་ཀ་ས་དྡོ་ཧི སྱཱ་དྱ་ནྟོ ཝཱ་ཀྱེ སྱཱ་དྱ་ནྟ་ཏྟཱ, ཏེ་ནེ་ཝ ཝ་ཀྑ་ཏི- ‘པ་རི་བྦཱ་ཛ་ཀ་ས་དྡ་ཏོ ཨེ་ཏྠ སྱཱ་དྱུ་པྤ་ཏྟཱི’ཏི. ཨ་སྱཱ་དི་སྨཱ པ་རོ་ཏི ཀ་ཏྭཱ བ་ཧུ་པ་རི་བྦཱ་ཛ་ཀ་ས་དྡ་ཏོ ན སྱཱ་དྱུ་པྤ་ཏྟཱི་ཏི ས་མྦ་ནྡྷོ.

ཏ་ཏོ་ཙཱ་ཏི བ་ཧུ་པ་རི་བྦཱ་ཛ་ཀ་ས་དྡ་ཏོ ཙ. པ་ས་ཛྫ་པྤ་ཊི་སེ་དྷེ་ན ན་ཉ་ས་དྡེ་ན ཨ་ཉྙ་པ་ད་ཏྠ་ས་མཱ་སེ་པི སི་ཡཱ་ཝ དོ་སོ་ཏི ད་སྶེ་ནྟོ ཨཱ་ཧ- ‘ཨ་ཝི་ཛྫ་མཱ་ནོ་སྱཱ་དི’ཙྩཱ་དི.

ཨི་ཏི མོ་གྒ་ལླཱ་ན་པ་ཉྩི་ཀཱ་ཊཱི་ཀཱ་ཡཾ སཱ་ར་ཏྠ་ཝི་ལཱ་སི་ནི་ཡཾ

ཙ་ཏུ་ཏྠ་ཀ་ཎྜ་ཝ་ཎྞ་ནཱ ནི་ཊྛི་ཏཱ.