༡༤. ས་ཏྟ་དྷཱི

ཝ་ཙ་ན་ཕ་ལ་མུ་པ་ད་སྶེ་ཏི‘ཡ་ཏྠེ’ཙྩཱ་དི་ནཱ, ཡ་ཏྠ ཡ་སྨིཾ ‘‘ས་རོ ལོ་པོ ས་རེ’’ཏྱཱ་དི་ཀེ སུ་ཏྟེ, ས་ཏྟ་མི་ཡཱ་ཏི ‘ས་རེ’ཏི་ཨཱ་དི་ནཱ ས་ཏྟ་མི་ཡཱ, ཡ་སྶཱ་ཏི ས་རོ་ཏི་ཨཱ་དི་ནཱ ནི་དྡི་ཊྛ་སྶ, ཀཱ་རི་ཡཾ ལོ་པཱ་དི, ས་མྦ་ནྡྷཱ ཝི་སེ་སཱ་ཏི ས་རེ་ཏྱཱ་དོ ཨོ་པ་སི་ལེ་སི་ཀ་མ་དྷི་ཀ་ར་ཎཾ, ཏ་ཉྩོ་པ་སི་ལེ་སེ བྷ་ཝ་མ་དྷི་ཀ་ར་ཎཾ པུ་བྦ་སྶ ཝཱ པ་རཾ སི་ཡཱ པ་ར་སྶ ཝཱ པུ་བྦ་ནྟི པུ་བྦ་པ་རོ་པ་སི ལེ་ས་སྶཱ་ཝི་སི་ཊྛ་ཏྟཱ པུ་བྦ་པ་རཱ་ནཾ ས་མྦ་ནྡྷ་སྶ ཨ་ཝི་སེ་སཱ, པ་ར་སྶཱ་པཱི་ཏི ན ཀེ་ཝ་ལཾ པུ་བྦ་སྶེ་ཝ, ས་ཏཱི་ཏྱ་སྨིཾ ཨ་ཏྠེ ཛོ་ཏ་ནཱི་ཡེ ས་ཏྟ་མཱི སཾ་ས་ཏྟ་མཱི ས་ནྟ་ས་དྡ་སྶ ས་མཱ་དེ་སེ་ན, ས་ཏྟ་ཉྩེ་ཏྱཱ་དི་ཝ་ཙ་ན་མེ་ཝཾ ས་ཏི གྷ་ཊ་ཏེ, ས་ནྟི ཝཱ ས་ནྟ་ས་དྡ་ཏྠེ པཱ་དི, སུ་ཏྟེ ཨ་ཝུ་ཏྟེ་པི ཝུ་ཏྟི་ཡཾ ‘ནི་དྡེ་སེ’ཏི ཝ་ཙ་ནེ ཀཱ་ར་ཎ་མཱ་ཧ-ས་ཏྟ་ཉྩཱ’ཏི་ཨཱ་དི, ནི་དྡེ་ས་མ་ནྟ་རེ་ན ས་ཏྟཾ ན ས་མྦྷ་ཝ་ཏཱི་ཏི ས་མྦ་ནྡྷོ, ས་ཏྟ་མི་ཡཱ ནི་དྡེ་སེ ས་ཏི་ཡེ་ཝ ཏཾ ས་མྦ་ནྡྷཱ་ཡ ས་ཏྟཱ་ཡ ས་མྦྷ་ཝོ, ཨ་ཉྙ་ཐཱ ཀི་མ་ཉྙ་ནྟ་སྶཱ པ་ཏི་ཊྛཱ་ཏི ཨ་དྷི་པྤཱ་ཡོ, པུ་བྦ་ས་དྡ་སྶ ས་མྦ་ནྡྷི་ས་དྡ་ཏྟཱ ཀི་ནྣི་སྶཱ་ཡ པུ་བྦ་ཏྟ་མི་ཙྩཱ་ཧ-‘ས་ཏྟ་མི’ཙྩཱ་དི, ཏ་ནྟི ‘‘ས་རོ ལོ་པོ ས་རེ’’ཏི སུ་ཏྟཾ, ཨུ་ཀཱ་ར་སྶཱ་ཏི ‘ཝེ་ལུ༹’ཨི་ཙྩ་ཏྲ ཨུ་ཀཱ་ར་སྶ, པུ་བྦ་སྶ…པེ… ཀ་རི་ཏྭཱ ཏཾ་མ་ན་སི་ཀ་ཏ་ཉྩོ་ད་ནཾ ད་སྶེ་ཏུ་མཱ་ཧ-‘ཏ་མ་ཧ’ནྟི ཙྩཱ་དི་ཏི ཨེ་ཝ་མེ་ཏྠ སཱ་ཛ྄ཛྷཱ་ཧཱ་རོ ས་མྦ་ནྡྷོ ཝེ་དི་ཏ་བྦོ. པུ་བྦ་སྶཱ་ཏི ས་ཏྟ་མཱི ནི་དྡི་ཊྛ་ཏོ པུ་བྦ་སྶ, ཨ་ན་ནྟ་ར་སྶཱ་ཏི ཨ་བྱ་ཝ་ཧི་ཏ་སྶ, ཝུ་ཏྟཾ ཀི་ཉྩི ན་ཏྠཱི་ཏི ས་མྦ་ནྡྷོ, ཨ་ཡ་མ་དྷི་པྤཱ་ཡོ ‘‘ཏ་སྨི་ནྟི ནི་དྡི་ཊྛེ པུ་བྦ་སྶཱ’’ཏི (༡-༡-༦༦) པཱ་ཎི་ནི་ཡ་ཝ་ཙ་ནེ ‘‘དི་སི་ར་ཡ་མུ་ཙྩཱ་ར་ཎ་ཀྲི་ཡོ ནི་ས་དྡོ་པྱ་ཡ མི་ཧ ནེ་ར་ནྟ་རི་ཡཾ ཛོ་ཏེ་ཏི, ཏ་ཏྠ‘ནི་ར་ནྟ་རཾ དི་ཊྛོ’ཏི པཱ་དི་ས་མཱ་སེ ཀ་ཏེ ཕུ་ཊ་མེ་ཝཱ་ན་ནྟ་ར་མུ་ཙྩཱ་རི་ཏེ་ཏྱ་མ་ཏྠོ-ཝ་ག་མྱ་ཏེ་ཏི ‘‘པུ་བྦ་ས་དྡ་སྶ བྱ་ཝ་ཧི་ཏེ་པི པ་ཡོ་ག་ད་སྶ་ནེ བྱ་ཝ་ཧི་ཏེ་པི ཀཱ་རི་ཡཾ པ་པྤོ་ཏཱི’’ཏི བྷ་སྶ་ཀཱ་རཱ་ད་ཡོ ཝ་ཎྞེ་ནྟི, ཨི་ཧ ཏཱ་དི་ས་ཝ་ཙ་ནཱ་བྷཱ་ཝེ་ན ཝ་ཎྞཱ་དི བྱ་ཝ་དྷཱ་ནེ་པི སི་ཡཱ’’ཏི, ས་རེ་ཙྩཱ་དི་པ་རི་ཧཱ་ར་ཝ་ཙ་ནེ-དྷི་པྤཱ་ཡ མུ་བྦྷཱ་ཝ་ཡ་ཏི ‘ཡ་དི་པི’ཙྩཱ་དི་ནཱ, མ་ཐུ་རཱ་ཡ པཱ་ཊ་ལི་པུ་ཏྟ་ཀ་སྶ ཙཱ་ནྟ་རཱ་ལེ༹ གཱ་མཱ་དཱི་ནཾ ས་བྦྷཱ་ཝཱ བྱ་ཝ་དྷཱ་ནེ་པི པུ་བྦ་ས་དྡ་སྶ པ་ཝ་ཏྟི་ཡཱ དི་ཊྛ་ནྟ་མཱ་ཧ-‘མ་ཐུ་རཱ’ ཨི་ཙྩཱ་དི, ཡ་སྨཱ ས་རེ་ཏི ཨོ་པ་སི་ལེ་སི་ཀཱ་དྷཱ་རེ ས་ཏྟ་མྱ་ནྟཾ པ་དཾ, ཏ་སྨཱ བྱ་ཝ་དྷཱ་ནེ ས་ར་ལོ་པོ ན ཧོ་ཏཱི་ཏི ཨེ་ཝཾ ས་ངྑེ་པ་བྱཱ་ཁྱཱ་ནེ་ན ཝུ་ཏྟི་ཡ མ་ཏྠོ ཝེ་དི་ཏ་བྦོ, ན ཀེ་ཝ་ལཾ ས་རེ་ཏི ཨེ་ཏྠེ་ཝཱ་ཏི ཨཱ་ཧ- ‘ཀཱ་རི་ཡེ’ཙྩཱ་དི, ཨོ་པ་སི་ལེ་སི་ཀེ་ཡེ་ཝཱ་དྷཱ་རེ བྷ་ཝ་ཏཱི་ཏི སེ་སོ, ཀཱ་ར་ཎ་མཱ་ཧ-‘ཝ་ཏྟི་ཙྪཱ་ནྷ་ཝི་དྷཱ་ན་ཏོ ས་དྡ་སྶཱ’ཏི, ཝ་ཏྟུ་ནོ ཡཱ ཨི་ཙྪཱ ཝ་ཙ་ནི་ཙྪཱ ཏ་སྶཱ ཨ་ནུ་ཏཱུ་ལེ་ན ཝི་དྷཱ་ན་ཏོ ཨ་ཏྠ་སྶ ཀ་ཐ་ན་ཏོ་ཏི ཨ་ཏྠོ,ཡེ་ན ཧི ཡ་མ་ཏྠཾ ཝ་ཏྟཱ་ཏི་དྷཱ་ཏུ་མི་ཙྪ་ཏི ས་ཏཱི་པྱ་བྷི་དྷཱ་ན་སཱ མ་ཏྠི་ཡེ ན ཏ་ཏོ-ཉྙ་མ་ཏྠཾ ས་དྡོ་བྷི་ད་དྷཱ་ཏཱི་ཏྱ་དྷི་པྤཱ་ཡོ, ཝ་ཏྟི་ཙྪཱ ཝ་སཱ་ཡེ ཀཱ་ར་ཎ་མཱ་ཧ’ཝ་ཏྟི་ཙྪཱ་པི’ཙྩཱ་དི, ཝ་ཏྟུ་ནོ སུ་ཏྟ་ཀཱ་ར་སྶ ཨི་ཙྪཱ ཝ་ཏྟི་ཙྪཱ, ཀ་ཐ་མུ་པ་དེ་ས་ཏོ ཝ་ཏྟི་ཙྪཱ-ཝ་སཱི་ཡ་ཏེ’ ཀ་ཐ་ཉྩ སཱ་མ་ཏྠི་ཡ་ཏོ་ཏི ཨཱ་ས་ངྐི་ཡ ཏ་མུ་པ་ད་སྶེ་ཏུ་མཱ་ཧ-‘ཨ་ཏོ་ཙེ་ཏྱཱ་དི, ཨ་ཏོ ཝ་ཀྑ་མཱ་ན་ཀཱ་ར་ཎཱ ཨུ་པ་དེ་ས་ཏོ ཝ་སཱི་ཡ་ཏེ་ཏི ས་མྦ་ནྡྷོ, ཀི་ནྟཾ ཀཱ་ར་ཎ མི་ཙྩཱ་ཧ-‘ཡ་སྨཱ’ཨི་ཙྩཱ་དི, ཨ་ནྭ་ཡ་ས་དྡེ་ནེ་ཏྠ གུ་རུ་པཱ་ར་མྤ་རི་ཡོ-པ་དེ་སོ ཝི་ཝ་ཙྪི་ཏོ, ཡ་སྨཱ ཀཱ་ར་ཎཱ ཨ་ནྭ་ཡོ གུ་རུ་པཱ་ར་མྤ་རི་ཡོ པ་དེ་སོ གུ་རུ་ཀུ་ལ་མུ་པ་ག་མྨ པ་ཉྷ་ཀ་ར་ཎཱ་དི་ནཱ ཨ་ནྭི་ཙྪཱི་ཡ་ཏེ ག་ཝེ་སཱི་ཡ་ཏི, ཨ་ཏོ ཀཱ་ར་ཎཱ གུ་རུ་པ་ར་མྤ་རཱ ག་ཏ་ཨུ་པ་དེ་ས་ཏོ ཝ་སཱི་ཡ་ཏོ་ཏི ཨ་ཏྠོ, སཱ་མ་ཏྠི་ཡ་ཏོ-ཝ་སཱ་ཡ་པྤ་ཊི་པཱ་ད་ཡི་ཏུ་མཱ་ཧ- ‘སཱ་མ་ཏྠི་ཡ་མྤི’ཙྩཱ་དི, སཱ་མ་ཏྠི་ཡ་མྤི ཝུ་ཙྩ་ཏེ་ཏི་སེ་སོ, ལ་གྷུ་ནོ་པཱ་ཡེ་ན ས་དྡཱ་ན་མུ་པ་ལ་ཀྑ་ཎེ པ་ཝ་ཏྟཱི་ཏི བྱ་ཝ་ཧི་ཏ་ནི་ཝ་ཏྟི་ཡཱ ཝ་ཙ་ན་ནྟ་ར་ཀ-ར་ཎ་མ་ནུ་པ་ནྣཾ, ཨུ་པ་པ་ནྣཾ ཝ་ཙ་ན་ནྟ་ར་ཀ་ར་ཎཾ, ཏ་སྶ ཙ ཨོ་པ་སི་ལེ་སི་ཀཱ་དྷཱ་ར མ་ནྟ་རེ་ན ཨ་ཉྙ་ཐཱ་ནུ་པ་པ་ཏྟི་ཡཱ ཨཱ་དྷཱ་ར་ཝི་སེ་ས་པྤ་ཊི་པྤ་ཏྟཱི་ཏི ཨི་ད་མེ་ཏྠ སཱ་མ་ཏྠི་ཡཾ, ཨཱ་དྷཱ་ར་ནྟ་རེ་ཙྩཱ་དི་ནཱ ཡ་ཐཱ་ཝུ་ཏྟཾ སཱ་མ་ཏྠི་ཡཾ ཝི་བྷཱ་ཝེ་ཏི, ཨཱ་དྷཱ་ར་ནྟ་རེ་པཱི་ཏི ས་བྦ་ཏྠ པཱ་ཋོ དི་སྶ་ཏི, པ་ས་ངྒཱ་བྷཱ་ཝ་ཏོ ཨ་ཏྠ་ནྟ-རེ་ནཱ་པི ཨཱ་དྷཱ་ར་ནྟ་རེ་པི ཨོ་པ་སི་ལེ་སི་ཀཱ་དྷཱ་རེ་པི ཝ་ཙ་ན་ནྟ་ར་པྤ་ས་ངྒོ སི་ཡཱ་ཏི ས་མྦ་ནྡྷ་ས་མྦྷ་ཝཱ ཨོ་པ་སི་ལེ་སི་ཀཱ་དྷཱ་ར་ནི་སྶ་ཡ་ནེ་པི ཨཱ་ནི་སཾ་སོ ན དི་སྶ་ཏཱི་ཏི ས་མུ་ཙྩ་ཡ་ཏྠེ་ནཱ་པི ན་ཏྠི པ་ཡོ་ཛ་ན་ནྟི ཝ་ཛྫེ་ཏ་བྦོ ཡ་མྤི ས་དྡོ་ཏི, ན་ནུ ཀི་མེ་ཝཾ ཝ་ཎྞཱི་ཡ་ཏེ པུ་བྦ་སྶེ་ཝེ་ཏི ཝ་ཙ་ན མེ་ཝོ་པ་སི་ལེ་སི་ཀ་མ་དྷི་ཀ་ར་ཎཾ ཝི་ཉྙཱ་པ་ཡ་ཏི… ཏ་ཏྠེ་ཝ པུ་བྦ་པ་ར་ཏྟ ས་མྦྷ་ཝཱ་ཏི ཡོ་མ་ཉྙ་ཏེ, ཏ་སྶེ་སཱ ཀ་པྤ་ནཱ ན ས་ངྒ་ཏཱ་ཏི ད་སྶེ་ཏུ་མཱ་ཧ-‘པུ་བྦ་སྶཱ་ཏི’ཙྩཱ་དི, ཨ་ཡུ་ཏྟ་ཏྟེ ཀཱ་ར་ཎ་མཱ་ཧ-‘སཱ་མཱི་པི་ཀེ་པི ཏ་སྶ ས་མྦྷ་ཝཱ’ཏི, ‘ག་ངྒཱ་ཡཾ གྷོ་སོ’ཏི ཝུ་ཏྟེ གྷོ་སོ ག་ངྒཱ་ཡཾ པུ་བྦོ ཝཱ པ་རོ ཝེ་ཏི ག་མྨ་མཱ་ན་ཏྟཱ སཱ་མཱི་པི་ཀེ་པྱ་དྷི་ཀ་ར་ཎེ པུ་བྦ་པ་ར་ཏྟ་སྶ ས་མྦྷ་ཝཱ་ཏི ཨ་ཏྠོ, ཨེ་ཏཱ་ཝ་ཝུ་ཙྩ་ཏེ་ཏི པུ་བྦ་སྶེ་ཝ ཧོ་ཏི ན པ་ར་སྶཱ་ཏི ཨེ་ཏྟ་ཀ་མེ་ཝ ཝུ་ཙྩ་ཏེ, ཏ་ཐཱ་ཙ ཝ་ཀྑ་ཏི-‘ཀི་ནྟ’ནྟི་ཨཱ་དི, ཨ་དྷི་ཀཾ བྱ་ཝ་ཧི་ཏ་ནི་ཝུ་ཏྱཱ་དི ན ཝུ་ཙྩ་ཏེ་ཏི ས་མྦ་ནྡྷོ, ཨཱ་དི་ས་དྡེ་ནེ་ཏྠ ཚ་ཊྛཱི་པ་ཀ་པྤ་ནཱ ག་ཧི་ཏཱ, ཚ་ཊྛཱི་པ་ཀ་པྤ་ནཱ་པི སཱ་མ་ཏྟི་ཡཱ ཀ་ཏཱ་ཏི ས་མྦ་ནྡྷོ, པ་ཀ་པྤ་ནཾ པ་ཀ་པྤ་ནཱ་ཝི་དྷཱ་ནཾ, ཨེ་ཝཾ མ་ཉྙ་ཏེ ‘པཱ་ཎི་ནི་ཡཱ ‘‘ཚ་ཊྛཱི་ཊྛཱ་ནེ་ཡོ་གཱ’’ཏྱ་ཏོ (༡-༡-༤༩) ‘‘ཏ་སྨི་ནྟི ནི་དྡི་ཊྛེ པུ་བྦ་སྶ’’ (༡-༡-༦༦) ‘‘ཏ་སྨཱ ཏྱུ་ཏྟ་ར་སྶ’’ ཨི་ཏི (༡-༡-༦༧) པ་རི་བྷཱ་སཱ་སུ་ཏྟ་དྭ་ཡེ ཚ་ཊྛཱི་ག་ཧ་ཎ་མ་ནུ་ཝ་ཏྟི་ཡ ‘ཏ་སྨི་ནྟི ནི་དྡི་ཊྛེ པུ་བྦ་སྶ ཚ་ཊྛཱི’ ‘ཏ་སྨཱ་ཏྱུ་ཏྟ་ར་སྶ ཚ་ཊྛཱི [ནི་དྡི་ཊྛེ པུ་བྦ་སྶ ཚ་ཊྛཱི་ཏི པུ་བྦ་སྶ ཀཱ་རི་ཡི་ཏྟ་པ་ཊི་པཱ་ད་ན་ཡོ་གྒོ ཚ་ཊྛཱི ཏ་བྦོ་དྷ་ཀ་པ་དེ བྷ་ཝ་ཏི་ཏྱ་ཏྠོ, ཨེ་ཝ དྷུ་ཏྟ་ར་སྶེ་ཏུ ཝི. ཨུ་ཛྫོ་ཏ་ཊཱི་ཀཱ] ཏི ཚ་ཊྛཱི་པ་ཀ་པྤ་ནཾ པ་ཊི་པཱ་དེ་ནྟི ‘ཡ་སྨིཾ སུ་ཏྟེ ཚ་ཊྛཱི་ནི་དྡེ་སོ ན་ཏྠི, ཏ་ཏྠ ཚ་ཊྛཱི་པ་ཀ་པྤ་ནཱ་ཡ་ཐཱ སི་ཡཱ’ཏི, ཨི་དྷ པ་ན ཝ་ཙ་ན་ནྟ་རཱ་བྷཱ་ཝེ་པི ཡ་ཏྠ ཚ་ཊྛཱི་ནི་དྡེ་སོ ན་ཏྠི, ཏ་ཏྠ སཱ་མ་ཏྠི་ཡེ་ནེ་ཝ ཚ་ཊྛཱི་པ་ཀ་པྤ་ནཱ སི་དྡྷཱ’ཏི, སཱ་མ་ཏྠི་ཡ་མུ་པ་ད་སྶེ་ཏི ‘ས་ཏྟ་མཱི་ནི་དྡེ་སེ’ཙྩཱ་དི་ནཱ, ཨ་ཉྙ་ཝི་བྷ་ཏྟི་ནི་དྡི་ཊྛོ་པི པ་ཊི་པ་ཛྫ་ཏེ་ཏི ས་མྦ་ནྡྷོ, ཀཱ་རི་ཡ་ཡོ ག་ནྟི ཀཱ་རི་ཡ་ས་མྦ་ནྡྷཾ, ཡ་ཐཱ ‘‘ཝ་གྒེ ཝ་གྒ་ནྟོ’’ཏི ཨེ་ཏྠཱ་ནུ་ཝ་ཏྟ་མཱ་ནཾ ནི་གྒ་ཧཱི་ཏ’ནྟི་དཾ ཚ་ཊྛཱི་ཡ་ནྟཾ ཝི་ཉྙཱ་ཡ་ཏེ, ཀ་ཐཾ ཝ་གྒེ་ཏེ་སཱ ས་ཏྟ་མྱ་ཀ་ཏ་ཏྠཱ ‘‘ནི་གྒ་ཧཱི་ཏ’’ནྟི (༡-༣༨) པུ་བྦ་སུ་ཏྟེ ཀ་ཏ་ཏྠ་ཏཱ་ཡ པ་ཋ་མཱ ཝི་བྷ་ཏྟི་ཡཱ ཚ་ཊྛཱི་ཝི་བྷ་ཏྟི་མྤ་ཀ་པྤེ་ཏི ས་ཏྟ་མི་ཡཾ པུ་བྦ་སྶེ’ཏི ཏ་ཐེ་ཏྱ་ཝ་ག་ནྟ་བྦཾ. ཨེ་ཏཱ་ཝ ཝུ་ཙྩ་ཏེ་ཏི ཝུ་ཏྟེ ཨི་ད་ནྟི ན ཝི་ཉྙཱ་ཡ་ཏེ་ཏི ཨཱ་ཧ ‘ཀི་ནྟ’ནྟི་ཨཱ་དི, ཡ་དཱ་ཧི་ཙྩཱ་དི་ནཱ པ་རི་ཡཱ་ཡ་པ་ས་ངྒ་ཀྐ་མཾ ད་སྶེ་ཏི. ཀི་མི་ད་མུ་ཙྩ་ཏེ པ་རི་ཡཱ་ཡ་པྤ་ས་ངྒེ ནི་ཡ་མ་ཏྠཾ ཝ་ཙ་ན་ནྟི ན་ནུ པུ་བྦ་པ་རཱ་ནཾ ཡུ་ག་པ་དུ་པྤ་ཏྟི་ཡ མཱ་ཙ་རི་ཡ་ཝ་ཙ་ན་པྤ་མཱ་ཎེ་ནཱ་པྤ་ཊི་པ་ཏྟི་ཡཾ ཝི་ཛ྄ཛྷ་ན་ཏྠཾ ཝ་ཙ་ན་ནྟི ཀ་སྨཱ ནོ་ཙྩ ཏེ་ཙྩཱ་ཧ- ‘ཡུ་ག་པ་དུ་པ་སི་ལི་ཊྛཱ་ན’ནྟྱཱ་དི, ཡུ་ག་པ་དུ་པ་སི་ལི་ཊྛཱ་ན་མ་ས་མྦྷ་ཝོ་ཏི ས་མྦ་ནྡྷོ, ཀུ་ཏོ་ཙྩཱ་ཧ-‘ཨ་པ་ར་སྶཱུ་པ་སི་ལེ་སི་ཀ་སྶཱ་བྷཱ་ཝ་ཏོ’ཏི, ཨ་ཏོ་ཏི ཡུ་ག་པ་དུ་བྷི་ནྣ་མྤ་ཏྟི་ཡཱ ཨ་བྷཱ་ཝ་ཏོ, ཝ་ཙ་ནཾ ‘‘ས་རོ ལོ་པཱ་ས་རེ’’ཙྩཱ་དི་ཀཾ (༡-༢༦) སུ་ཏྟཾ.