༣. དྭེ་དྭེ

ཏེ་ཏི’ཨཱ་དོ’ཏི ས་ཏྟ་མྱ་ནྟ་ཏྟཱ ཨ་པ་རེ དྭེ པ་རཱ་མ་ས་ཏི, ཧེ་ཊྛཱ ཝི་ཡཱ་ཏི ཧེ་ཊྛཱ ཝུ་ཏྟཾ ཨ་ཏྠ་ཝ་སཱ ཝི་བྷ་ཏྟི་ཝི་པ་རི་ཎཱ་མཾ ཨུ་པ་མེ་ཏི, ཨ་ཏོ་ཝ ཝི་ཉྙཱ་ཡ་མཱ་ན་ཏྠ་ཝ་སེ་ན ཏེ་སུ’ཏི ཝུ་ཏྟཾ, ཏེ་སུ་ཏི པ་ན ནི་དྡྷཱ་ར་ཎ་ཏྟ་ཝི་ཝ་ཙྪཱ་ཡཾ ཏ་མྤི ས་མྦྷ་ཝ་ཏཱི་ཏི ཏེ་སཾ ཝ་ཎྞཱ་ནཾ མ་ཛ྄ཛྷེ དྭེ་དྭེ་ཏི དྭི་ས་ངྑྱཱ་ཡ ནི་དྡྷཱ་ར་ཎ་ཏྠོ་པི ཝེ་དི་ཏ་བྦོ, ཝི་ཙྪཱ་ཡཾ ཝུ་ཏྟི ཡ་སྶ སོ ཝི་ཙྪཱ་ཝུ་ཏྟི-དྭི་ས་དྡོ, ཝི་ཙྪཱ་ཝུ་ཏྟི་ཏཱ ཙཱ་སྶ ས་ཝ་ཎྞ་ཏྟ་གུ་ཎེ་ན དྭི་ནྣཾ (‘བྱཱ་པི་ཏུ) མི་ཊྛ་ཏྟཱ, ཀ་མེ་ནཱ་ཝ་ཊྛི་ཏེ་ཏི ཨི་མི་ནཱ ཨ་ཀཱ་རཱ་དི་ཝ་ཎྞ་པྤ་བ་ནྡྷ་སྶ ཨ་ནཱ་དི་ཀཱ་ལ་སི་དྡྷཾ ཀ་མ་སི་དྡྷ་ཏྟ་མཱ་ཧ. ན་ནུ ས་མཱ་ནཱ ཝ་ཎྞཱ ས་ཝ་ཎྞཱ་ཏྱ་ནྭ་ཏྠེ ས་ཝ་ཎྞ་ས་དྡེ ས་ཏི ཀ་ཏཾ ར་སྶ་དཱི་གྷཱ་ནཾ ས་ཝ་ཎྞ་ས་ཉྙཱ སི་ཡཱ… ཨ་ས་མཱ་ན་ཏྟཱ ཨེ་ཏེ་ས་ནྟི, ནེ་ཏ་ད་ཏྠི་ཝ་ཎྞ་པྤ་བ་ནྡྷ་སྶ ཀ་མ་སི་དྡྷ་ཏྟཱ ཝ་ཙ་ན་བ་ལེ་ནེ་ཝཱ་ས་མཱ་ནཱ་ན་མྤི ཧོ་ཏེ་ཝཱ་ཏི, ནེ་ཝ་མྤི ཝ་ཏྟུཾ ཡུ་ཏྟཾ‘‘དྭེ་དྭེ ས་ཝ་ཎྞཱ’’ཏི སུ་ཏྟ་སྶ ཏཱ་དི་ས་སཱ་མ་ཏྠི་ཡ་ས་བྦྷཱ་ཝེ [ས་བྦྷཱ་ཝེ་ན (པོ་ཏྠ་ཀེ)] ཝི་སེ་ས་ཀཱ་ར་ཎཱ་བྷཱ་ཝཱ་ཏི ཨཱ་ཧ‘ས་མཱ་ན་ཏྟ་མྤ་ནཱ’ཏི་ཨཱ་དི. ཏི་ཊྛ་ནྟི ཨེ་ཏྠ ཝ་ཎྞཱ ཙི་ཏྟ་ཛ་ཏྟེ་པི ཨ་བྷི་བྱ་ཏྟི ཝ་སེ་ནཱ་ཏི ཋཱ་ནཾ ཀ་ཎྛཱ་དི, ཏེ་ན ཀ་ཏ་ནྟི ས་མཱ་སོ, ཀ་ཎྛ་ཏཱ་ཏུ ཨི་ཏི ཙ་ཏྟེ པཱ་ཎྱ་ངྒ་ཏྟཱ ན་པུཾ་ས་ཀ་ཏྟཾ. པ་ཉྩ་མེ་ཧི ཝ་གྒ་པ་ཉྩ་མེ་ཧི. ཨ་ནྟ་ཊྛཱ་ཀཱི་ཏི ཝ་གྒཱ་ན་མ་ནྟེ ཏི་ཊྛ་ནྟཱི་ཏི ཨ་ནྟ་ཊྛཱ, ཏཱ་ཧི, ཡུ་ཏྟ་སྶཱ་ཏི བྲ་ཧྨ་ཙ་རི་ཡཱ, གུ་ཡ྄ཧ’ནྟི་ཨཱ་དཱི་སུ ཡུ་ཏྟ་སྶ. ཀེ་ཙཱི་ཏི ཨ་ནི་ཡ་མེ་ན ཝུ་ཏྟཾ, ཏེ པ་ན–

‘‘ཧ་ཀཱ་རོ པ་ཉྩ་མེ་ཧེ་ཝ, ཨ་ནྟ་ཊྛཱ་ཧི ཙ སཾ་ཡུ་ཏོ;

ཨོ་ར་སོ ཨི་ཏི ཝི་ཉྙེ་ཡྻོ, ཀ་ཎྛ་ཛོ ཏ་ད་སཾ་ཡུ་ཏོ’’ཏི ཝ་ད་ནྟི.