༤. པུ་བྦོ

ཝ་ཏྟ་ཏེ་ཏི ཨ་ཏྠ་ཝ་སཱ ཝི་བྷ་ཏྟི་ཝི་པ་རི་ཎཱ་མེ་ན ཝ་ཏྟ་ཏེ, ན་ནུ ཙེ་ཏྱཱ་དི་ཙོ་ད་ནཱ, ནེ་ས་དོ་སོ་ཙྩཱ་དི པ་རི་ཧཱ་རོ, དོ་སཱ་བྷཱ་ཝེ ཀཱ་ར་ཎ མཱ་ཧ-‘ཡོ་ཡོ…པེ… པ་ཏཱི་ཡ་ཏེ’ཏི, ཝུ་ཏྟཾ ས་མ་ཏྟེ་ཏི-‘ན་ཧི’ཙྩཱ་དི་ནཱ, ན་ནུ ཙ པུ་བྦ་ས་དྡོ ཡ་མེ་ཀ་ཏྟཱ ཨེ་ཀཾ པུ་བྦ་མཱ་ཙི་ཀྑ་ཏི ན ས་ཀ་ལ་ནྟི ཀ་ཐཾ ‘‘པུ་བྦོ’ཏི ཝུ་ཏྟེ ཡོ་ཡོ་ཏི ཉཱ་ཡ་ཏི ‘ཡོ་ཡོ པུ་བྦོ’ཏི ཙ ཝུ་ཏྟེ ‘ཏེ་སུ དྭཱི་སུ’ཏི ཨེ་ཏྠ’དྭཱི་སུ དྭཱི་སུ’ཏི ཨི་དཾ ཀ་ཐཾ སུ་ཁེ་ནེ་ཝ པ་ཏཱི་ཡ་ཏེ ཏ་དི་ད་མ་སི་དྡྷེ་ནཱ་སི་དྡྷ་སཱ་དྷ་ན་ནྟི ཨཱ་ས་ངྐི་ཡ ཏ་ད་བྷཱ་ཝ་མུ་བྦྷཱ་ཝཱི་ཡ པུ་བྦ ས་དྡ་སྶ ཝི་ཙྪཱ་ག་མ་ཀ་ཏྟ་མ་ཝ་ག་མ་ཡི་ཏུ་མཱ་ཧ-‘ན་ཙེ་ད’མི་ཙྩཱ་དི. ཏཾ་ཡོ་གཱ་ཏི ཨུ་པ་ཙཱ་ར་ཝ་སེ་ནཱ་ཧ, ཏ་བྦ་ནྟ་ཏཱ་ཡ་ཝཱ་ཏི ཨ་ཏྠི་ཡ་ཏྠེ ཨ་པྤ་ཙྩ་ཡ་ཝ་སེ་ན, ཨེ་ཝ་མུ་པ་རི་པི.