༧. ཨ་ན་ཝ་ཏྠི་ཏ་སུ་ཏྟཾ

༡༠༢. ‘‘ཚ, བྷི་ཀྑ་ཝེ, ཨཱ་ནི་སཾ་སེ ས་མྤ་སྶ་མཱ་ནེ་ན ཨ་ལ་མེ་ཝ བྷི་ཀྑུ་ནཱ ས་བྦ་ས་ངྑཱ་རེ་སུ ཨ་ནོ་དྷིཾ ཀ་རི་ཏྭཱ ཨ་ནི་ཙྩ་ས་ཉྙཾ ཨུ་པ་ཊྛཱ་པེ་ཏུཾ. ཀ་ཏ་མེ ཚ? ‘ས་བྦ་ས་ངྑཱ་རཱ ཙ མེ ཨ་ན་ཝ་ཏྠི་ཏཱ [ཨ་ན་ཝ་ཊྛི་ཏ་ཏོ (སཱི. སྱཱ. པཱི.)] ཁཱ་ཡི་སྶ་ནྟི, ས་བྦ་ལོ་ཀེ ཙ མེ མ་ནོ ནཱ་བྷི་ར་མི་སྶ་ཏི [ན ར་མི་སྶ་ཏི (ཀ.)], ས་བྦ་ལོ་ཀཱ ཙ མེ མ་ནོ ཝུ་ཊྛ་ཧི་སྶ་ཏི, ནི་བྦཱ་ན་པོ་ཎ་ཉྩ མེ མཱ་ན་སཾ བྷ་ཝི་སྶ་ཏི, སཾ་ཡོ་ཛ་ནཱ ཙ མེ པ་ཧཱ་ནཾ ག་ཙྪི་སྶ་ནྟི [ག་ཙྪ་ནྟི (སྱཱ. པཱི. ཀ.)], པ་ར་མེ་ན ཙ སཱ་མ་ཉྙེ་ན ས་མ་ནྣཱ་ག་ཏོ བྷ་ཝི་སྶཱ་མཱི’ཏི. ཨི་མེ ཁོ, བྷི་ཀྑ་ཝེ, ཚ ཨཱ་ནི་སཾ་སེ ས་མྤ་སྶ་མཱ་ནེ་ན ཨ་ལ་མེ་ཝ བྷི་ཀྑུ་ནཱ ས་བྦ་ས་ངྑཱ་རེ་སུ ཨ་ནོ་དྷིཾ ཀ་རི་ཏྭཱ ཨ་ནི་ཙྩ་ས་ཉྙཾ ཨུ་པ་ཊྛཱ་པེ་ཏུ’’ནྟི. ས་ཏྟ་མཾ.