༨. ཨུ་ཀྑི་ཏྟཱ་སི་ཀ་སུ་ཏྟཾ

༡༠༣. ‘‘ཚ, བྷི་ཀྑ་ཝེ, ཨཱ་ནི་སཾ་སེ ས་མྤ་སྶ་མཱ་ནེ་ན ཨ་ལ་མེ་ཝ བྷི་ཀྑུ་ནཱ ས་བྦ་ས་ངྑཱ་རེ་སུ ཨ་ནོ་དྷིཾ ཀ་རི་ཏྭཱ དུ་ཀྑ་ས་ཉྙཾ ཨུ་པ་ཊྛཱ་པེ་ཏུཾ. ཀ་ཏ་མེ ཚ? ‘ས་བྦ་ས་ངྑཱ་རེ་སུ ཙ མེ ནི་བྦི་ད་ས་ཉྙཱ པ་ཙྩུ་པ་ཊྛི་ཏཱ བྷ་ཝི་སྶ་ཏི, སེ་ཡྻ་ཐཱ་པི ཨུ་ཀྑི་ཏྟཱ་སི་ཀེ ཝ་དྷ་ཀེ. ས་བྦ་ལོ་ཀཱ ཙ མེ མ་ནོ ཝུ་ཊྛ་ཧི་སྶ་ཏི, ནི་བྦཱ་ནེ ཙ ས་ནྟ་ད་སྶཱ་ཝཱི བྷ་ཝི་སྶཱ་མི, ཨ་ནུ་ས་ཡཱ ཙ མེ ས་མུ་གྒྷཱ་ཏཾ ག་ཙྪི་སྶ་ནྟི [ག་ཙྪ་ནྟི (པཱི. ཀ.)], ཀི་ཙྩ་ཀཱ་རཱི ཙ བྷ་ཝི་སྶཱ་མི, ས་ཏྠཱ ཙ མེ པ་རི་ཙི་ཎྞོ བྷ་ཝི་སྶ་ཏི མེ་ཏྟཱ་ཝ་ཏཱ་ཡཱ’ཏི. ཨི་མེ ཁོ, བྷི་ཀྑ་ཝེ, ཚ ཨཱ་ནི་སཾ་སེ ས་མྤ་སྶ་མཱ་ནེ་ན ཨ་ལ་མེ་ཝ བྷི་ཀྑུ་ནཱ ས་བྦ་ས་ངྑཱ་རེ་སུ ཨ་ནོ་དྷིཾ ཀ་རི་ཏྭཱ དུ་ཀྑ་ས་ཉྙཾ ཨུ་པ་ཊྛཱ་པེ་ཏུ’’ནྟི. ཨ་ཊྛ་མཾ.