༦. ནི་བྦཱ་ན་སུ་ཏྟཾ

༡༠༡. ‘‘‘སོ ཝ་ཏ, བྷི་ཀྑ་ཝེ, བྷི་ཀྑུ ནི་བྦཱ་ནཾ དུ་ཀྑ་ཏོ ས་མ་ནུ་པ་སྶ་ནྟོ ཨ་ནུ་ལོ་མི་ཀཱ་ཡ ཁ་ནྟི་ཡཱ ས་མ་ནྣཱ་ག་ཏོ བྷ་ཝི་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི. ‘ཨ་ནུ་ལོ་མི་ཀཱ་ཡ ཁ་ནྟི་ཡཱ ཨ་ས་མ་ནྣཱ་ག་ཏོ ས་མྨ་ཏྟ་ནི་ཡཱ་མཾ ཨོ་ཀྐ་མི་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི. ‘ས་མྨ་ཏྟ་ནི་ཡཱ་མཾ ཨ་ནོ་ཀྐ་མ་མཱ་ནོ སོ་ཏཱ་པ་ཏྟི་ཕ་ལཾ ཝཱ ས་ཀ་དཱ་གཱ་མི་ཕ་ལཾ ཝཱ ཨ་ནཱ་གཱ་མི་ཕ་ལཾ ཝཱ ཨ་ར་ཧ་ཏྟཾ ཝཱ ས་ཙྪི་ཀ་རི་སྶ་ཏཱི’ཏི ནེ་ཏཾ ཋཱ་ནཾ ཝི་ཛྫ་ཏི.

‘‘‘སོ ཝ་ཏ, བྷི་ཀྑ་ཝེ, བྷི་ཀྑུ ནི་བྦཱ་ནཾ སུ་ཁ་ཏོ ས་མ་ནུ་པ་སྶ་ནྟོ ཨ་ནུ་ལོ་མི་ཀཱ་ཡ ཁ་ནྟི་ཡཱ ས་མ་ནྣཱ་ག་ཏོ བྷ་ཝི་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏི. ‘ཨ་ནུ་ལོ་མི་ཀཱ་ཡ ཁ་ནྟི་ཡཱ ས་མ་ནྣཱ་ག་ཏོ ས་མྨ་ཏྟ་ནི་ཡཱ་མཾ ཨོ་ཀྐ་མི་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏི. ‘ས་མྨ་ཏྟ་ནི་ཡཱ་མཾ ཨོ་ཀྐ་མ་མཱ་ནོ སོ་ཏཱ་པ་ཏྟི་ཕ་ལཾ ཝཱ ས་ཀ་དཱ་གཱ་མི་ཕ་ལཾ ཝཱ ཨ་ནཱ་གཱ་མི་ཕ་ལཾ ཝཱ ཨ་ར་ཧ་ཏྟཾ ཝཱ ས་ཙྪི་ཀ་རི་སྶ་ཏཱི’ཏི ཋཱ་ན་མེ་ཏཾ ཝི་ཛྫ་ཏཱི’’ཏི. ཚ་ཊྛཾ.