ఖన్ధకపుచ్ఛావారో

పుచ్ఛావిస్సజ్జనావణ్ణనా

౩౨౦. ఉపసమ్పదక్ఖన్ధకన్తి పబ్బజ్జాఖన్ధకం (మహావ. ౮౪). సహ నిద్దేసేనాతి సనిద్దేసం. ‘‘సన్నిద్దేస’’న్తి వా పాఠో, సో ఏవత్థో. నిదానేన చ నిద్దేసేన చ సద్ధిన్తి ఏత్థ పఞ్ఞత్తిట్ఠానపుగ్గలాదిప్పకాసకం నిదానవచనం నిదానం నామ, తన్నిదానం పటిచ్చ నిద్దిట్ఠసిక్ఖాపదాని నిద్దేసో నామ, తేహి అవయవభూతేహి సహితం తంసముదాయభూతం ఖన్ధకం పుచ్ఛామీతి అత్థో. ఉత్తమాని పదానీతి ఆపత్తిపఞ్ఞాపకాని వచనాని అధిప్పేతాని. తేసం…పే… కతి ఆపత్తియో హోన్తీతి తేహి వచనేహి పఞ్ఞత్తా కతి ఆపత్తిక్ఖన్ధా హోన్తీతి అత్థో. నను ఆపత్తియో నామ పుగ్గలానఞ్ఞేవ హోన్తి, న పదానం, కస్మా పన ‘‘సముక్కట్ఠపదానం కతి ఆపత్తియో’’తి సామివసేన నిద్దేసో కతోతి ఆహ ‘‘యేన యేన హి పదేనా’’తిఆది. పాళియం ఉపోసథన్తిఆది ఉపోసథక్ఖన్ధకాదీనఞ్ఞేవ (మహావ. ౧౩౨ ఆదయో) గహణం.

పుచ్ఛావిస్సజ్జనావణ్ణనా నిట్ఠితా.