౩. ఖమ్భకతవగ్గవణ్ణనా

౬౦౩. పత్తే గహణసఞ్ఞా అస్స అత్థీతి పత్తసఞ్ఞీతి ఇమమత్థం దస్సేతుం ‘‘పత్తే సఞ్ఞం కత్వా’’తి వుత్తం.

౬౦౪. ఓలోణీతి ఏకా బ్యఞ్జనవికతి. కఞ్జికతక్కాదిరసోతి కేచి. మంసరసాదీనీతి ఆది-సద్దేన అవసేసా సబ్బాపి బ్యఞ్జనవికతి సఙ్గహితా.

౬౦౫. సమభరితన్తి రచితం. హేట్ఠా ఓరోహతీతి సమన్తా ఓకాససమ్భవతో హత్థేన సమం కరియమానం హేట్ఠా భస్సతి. పత్తమత్థకే ఠపితాని పూవాని ఏవ వటంసకాకారేన ఠపితత్తా ‘‘పూవవటంసక’’న్తి వుత్తాని. కేచి పన ‘‘పత్తం గహేత్వా థూపీకతం పిణ్డపాతం రచిత్వా దియ్యమానమేవ గణ్హతో ఆపత్తి, హత్థగతే ఏవ పన పత్తే దియ్యమానే థూపీకతమ్పి గహేతుం వట్టతీ’’తి వదన్తి, తం న గహేతబ్బమేవ ‘‘సమతిత్తిక’’న్తి భావనపుంసకవసేన సామఞ్ఞతో వుత్తత్తా.

ఖమ్భకతవగ్గవణ్ణనా నిట్ఠితా.