ఖన్ధకపుచ్ఛావారవణ్ణనా

పుచ్ఛావిస్సజ్జనావణ్ణనా

౩౨౦. నిదానం నామ కాలఞ్చ నగరఞ్చ దేసో చ భగవా చ. వత్థుపుగ్గలాది నిద్దేసో. యాని తత్థ ఉపసమ్పదక్ఖన్ధకే ‘‘న, భిక్ఖవే, ఊనవీసతివస్సో పుగ్గలో ఉపసమ్పాదేతబ్బో’’తిఆదినా నయేన ఉత్తమాని పదాని వుత్తానీతి సమ్బన్ధో. సా సా తస్స తస్స పదస్స ఆపత్తీతి వుచ్చతీతి యా ‘‘న, భిక్ఖవే, ఊనవీసతివస్సో పుగ్గలో ఉపసమ్పాదేతబ్బో’’తి పదేన పఞ్ఞత్తా ఆపత్తి, సా తస్స పదస్సాతి అధిప్పాయో. చమ్మసంయుత్తేతి చమ్మక్ఖన్ధకే.