౬. చీవరసిబ్బనసిక్ఖాపదవణ్ణనా

౧౭౬. వఞ్చేత్వాతి ‘‘తవ ఞాతికాయా’’తి అవత్వా ‘‘ఏకిస్సా భిక్ఖునియా’’తి ఏత్తకమేవ వత్వా, తే హి ‘‘ఏకిస్సా’’తి వచనం సుత్వా అఞ్ఞాతికాయ సన్తకసఞ్ఞినో సిబ్బేసుం. ఇమస్మిం సిక్ఖాపదే ‘‘చీవరం నామ ఛన్నం చీవరానం అఞ్ఞతరం చీవర’’న్తి ఏత్తకమేవ పాళి, తేన వుత్తం ‘‘చీవరన్తి యం నివాసేతుం వా పారుపితుం వా’’తిఆది. ‘‘వికప్పనుపగం పచ్ఛిమ’’న్తి చ లిఖితం, సో పమాదలేఖో.

చీవరసిబ్బనసిక్ఖాపదవణ్ణనా నిట్ఠితా.