౬. పఠమవిభఙ్గసుత్తవణ్ణనా

౫౦౬. కాయికన్తి అయమస్స నిస్సయవసేన నిద్దేసోతి ఆహ – ‘‘కాయపసాదవత్థుక’’న్తి. సరూపనిద్దేసో సుఖం సుఖిన్ద్రియస్స సరూపన్తి. సాదనీయట్ఠేన ధమ్మపదాని అత్తని అస్సాదయతీతి సాతం, మధురం. వేదయితన్తి వేదియనం, అనుభవనన్తి అత్థో. అఞ్ఞధమ్మవిసిట్ఠోతి ఫస్సాదీహి అఞ్ఞేహి ధమ్మేహి విసదిసో. కాయికన్తి పసాదకాయసన్నిస్సితం. చేతసికన్తి చేతోసన్నిస్సితం, తేన వుత్తం ‘‘ఏత్థ పనా’’తిఆది. కాయపసాద…పే… నత్థి, తస్మా ‘‘చత్తారో పసాదకాయే వత్థుం కత్వా’’తి వుత్తం.