౩-౫. ఠానియసుత్తాదివణ్ణనా

౨౦౪-౨౦౬. కామరాగేన గధితబ్బట్ఠానభూతా కామరాగట్ఠానియాతి ఆహ ‘‘ఆరమ్మణధమ్మాన’’న్తి. ‘‘మనసికారబహులీకారా’’తి వుత్తత్తా ‘‘ఆరమ్మణేనేవ కథిత’’న్తి వుత్తం. వుత్తపరిచ్ఛేదోతి ఏతేన న కేవలం ఆరమ్మణవసేనేవ, అథ ఖో ఉపనిస్సయవసేనపేత్థ అత్థో లబ్భతీతి దస్సేతి. పఠమవగ్గస్స హి దుతియే సుత్తే ఉపనిస్సయవసేనేవ అత్థో దస్సితో. మిస్సకబోజ్ఝఙ్గా కథితా అవిభాగేనేవ కథితత్తా. అపరిహానియేతి తీహి సిక్ఖాహి అపరిహానావహే.