౫. ఆమకమంససుత్తవణ్ణనా

౧౧౫౫. ‘‘అనుజానామి, భిక్ఖవే, పఞ్చ వసాని భేసజ్జాని – అచ్ఛవసం, మచ్ఛవసం, సుసుకావసం, సూకరవసం, గద్రభవస’’న్తి (మహావ. ౨౬౨; పారా. అట్ఠ. ౬౨౩) వుత్తత్తా ఇదం ఉద్దిస్స అనుఞ్ఞాతం నామ. తస్స పన ‘‘కాలే పటిగ్గహిత’’న్తి (మహావ. ౨౬౨) వుత్తత్తా పటిగ్గహణం వట్టతీతి ఆహ – ‘‘అఞ్ఞత్ర ఉద్దిస్స అనుఞ్ఞాతా’’తి. వినయవసేన ఉపపరిక్ఖితబ్బో, తస్మా సమన్తపాసాదికాయ వినయట్ఠకథాయ వుత్తనయేనేత్థ వినిచ్ఛయో వేదితబ్బో.