౫-౮. పఠమఆనన్దసుత్తాదివణ్ణనా

౨౬౩-౨౬౬. హేట్ఠా కథితనయానేవ, వేనేయ్యజ్ఝాసయతో పన తేసం దేసనాతి దట్ఠబ్బం. ఏత్థాతి ఏతేసు చతూసు సుత్తేసు. పురిమాని ద్వే ‘‘పఠమం ఝానం సమాపన్నస్స వాచా పటిప్పస్సద్ధా హోతీ’’తిఆదినా నయేన యావ ఖీణాసవస్స కిలేసపటిప్పస్సద్ధి, తావ దేసనాయ పవత్తత్తా ‘‘పరిపుణ్ణపస్సద్ధికానీ’’తి వుత్తాని. తావ పరిపూరం కత్వా అదేసితత్తా ‘‘పచ్ఛిమాని ఉపడ్ఢపస్సద్ధికాని, దేసనాయా’’తిఆది వుత్తం.

పఠమఆనన్దసుత్తాదివణ్ణనా నిట్ఠితా.