౫. ఊనవీసతివస్ససిక్ఖాపదవణ్ణనా

గబ్భవీసోపి హి ‘‘పరిపుణ్ణవీసో’’ త్వేవ సఙ్ఖం గచ్ఛతీతి ఆహ ‘‘పటిసన్ధిగ్గహణతో పట్ఠాయా’’తిఆది. తత్థ పటిసన్ధిగ్గహణతో పట్ఠాయాతి యం మాతుకుచ్ఛిస్మిం పఠమం చిత్తం ఉప్పన్నం పఠమం విఞ్ఞాణం పాతుభూతం, తం ఆదిం కత్వా. సోతి యో పుగ్గలో ఊనవీసతివస్సో ఉపసమ్పాదితో, సో పుగ్గలో. అఞ్ఞం ఉపసమ్పాదేతీతి ఉపజ్ఝాయో వా కమ్మవాచాచరియో వా హుత్వా అఞ్ఞం పుగ్గలం ఉపసమ్పాదేతి. తన్తి ఊనవీసతివస్సం పుగ్గలం. సీమం వా సమ్మన్నతీతి నవం సీమం బన్ధతి.

ఊనవీసతివస్ససిక్ఖాపదవణ్ణనా నిట్ఠితా.