౧౦. చిరకతసరణపఞ్హో

౧౦. రాజా ఆహ ‘‘భన్తే నాగసేన, కేన అతీతం చిరకతం సరతీ’’తి? ‘‘సతియా, మహారాజా’’తి. ‘‘నను, భన్తే నాగసేన, చిత్తేన సరతి నో సతియా’’తి? ‘‘అభిజానాసి ను, త్వం మహారాజ, కిఞ్చిదేవ కరణీయం కత్వా పముట్ఠ’’న్తి? ‘‘ఆమ భన్తే’’తి. ‘‘కిం ను ఖో, త్వం మహారాజ, తస్మిం సమయే అచిత్తకో అహోసీ’’తి? ‘‘న హి, భన్తే, సతి తస్మిం సమయే నాహోసీ’’తి. ‘‘అథ కస్మా, త్వం మహారాజ, ఏవమాహ ‘చిత్తేన సరతి, నో సతియా’’’తి?

‘‘కల్లోసి, భన్తే నాగసేనా’’తి.

చిరకతసరణపఞ్హో దసమో.