1. அனுஸயவாரவண்ணனா

3. பவத்தாவிராமவஸேனாதி அனுஸயப்பவத்தியா அவிராமவஸேன, அவிச்சே²த³வஸேனாதி அத்தோ². கத²ம் பன குஸலாப்³யாகதசித்தக்க²ணே அனுஸயானம் பவத்தீதி ஆஹ ‘‘மக்³கே³னேவ…பே… புப்³பே³’’தி.

20. சித்தசேதஸிகானஞ்ச டா²னம் நாம சித்துப்பாதோ³தி ஆஹ ‘‘ஏகஸ்மிம் சித்துப்பாதே³’’தி. தேஸம் தேஸம் புக்³க³லானந்தி புது²ஜ்ஜனாதீ³னம் புக்³க³லானம். பகதியா ஸபா⁴வேன. ஸபா⁴வஸித்³தா⁴ ஹி து³க்கா²ய வேத³னாய காமராக³ஸ்ஸ அனனுஸயனட்டா²னதா. ஏவம் ஸேஸேஸுபி யதா²ரஹம் வத்தப்³ப³ம். வக்க²தி ஹி ‘‘பகதியா து³க்கா²தீ³னம் காமராகா³தீ³னம் அனனுஸயனட்டா²னதம் ஸந்தா⁴ய வுத்த’’ந்தி. பஹானேனாதி தஸ்ஸ தஸ்ஸ அனுஸயஸ்ஸ ஸமுச்சி²ந்த³னேன. திண்ணம் புக்³க³லானந்தி புது²ஜ்ஜனஸோதாபன்னஸகதா³கா³மீனம். த்³வின்னம் புக்³க³லானந்தி அனாகா³மிஅரஹந்தானம். ஏத்தா²தி ஏதஸ்மிம் புக்³க³லோகாஸவாரே. புரிமனயேதி ‘‘திண்ணம் புக்³க³லான’’ந்திஆதி³கே புரிமஸ்மிம் விஸ்ஸஜ்ஜனனயே. ஓகாஸந்தி உப்பத்திட்டா²னம், இத⁴ பன து³க்க²வேத³னா வேதி³தப்³பா³. பச்சி²மனயேதி ‘‘த்³வின்னம் புக்³க³லான’’ந்திஆதி³கே விஸ்ஸஜ்ஜனனயே. அனோகாஸதா அனனுஸயனட்டா²னதா.

அனுஸயவாரவண்ணனா நிட்டி²தா.