உபாலிபஞ்சகவண்ணனா

அனிஸ்ஸிதவக்³க³வண்ணனா

419. காயிகஉபகா⁴திகா நாம காயேன வீதிக்கமோ.

நப்படிப்பஸ்ஸம்ப⁴னவக்³க³வண்ணனா

420. ஓமத்³த³காரகோதி ஓமத்³தி³த்வா அபி⁴ப⁴வித்வா காரகோ.

வோஹாரவக்³க³வண்ணனா

424. பே⁴த³கரவத்தூ²னி நிஸ்ஸாய விவாதா³தி⁴கரணம் ஸமுட்டா²தி, ஏவம் யதா²ஸங்க்²யம் க³ச்ச²தி. கோதோ⁴பனாஹாதி³த்³வாத³ஸமூலபயோக³ம் விவாதா³தி⁴கரணம், ததா² ஸேஸேஸு. ஓஸாரணாதீ³ஸு நவஸு டா²னேஸு கம்மஞத்தியா கரணம். த்³வீஸு டா²னேஸு ஞத்திது³தியஞத்திசதுத்த²கம்மேஸு. யஸ்மா மஹாஅட்ட²கதா²யம் வுத்தனயேனேவ உப⁴தோவிப⁴ங்கா³ அஸங்க³ஹிதா, தஸ்மா யம் குருந்தி³யம் வுத்தம், தம் க³ஹேதப்³ப³ந்தி ஸம்ப³ந்தோ⁴.

தி³ட்டா²விகம்மவக்³க³வண்ணனா

425. திண்ணன்னம் உபரி ஸஹ ஆபத்திம் தே³ஸேதும் ந லப்³ப⁴ந்தி. கம்மனானாஸம்வாஸகானம் லத்³தி⁴க்³க³ஹிதகோவ லத்³தி⁴னானாஸம்வாஸகோ. ‘‘அவிப்பவாஸஸீமாய டி²தஸ்ஸா’’தி மஹாஸீமம் கிர ஸந்தா⁴ய வுத்தம்.

433. ‘‘உம்மாதா³ சித்தக்கே²பா’’தி பாடோ².

முஸாவாத³வக்³க³வண்ணனா

444. பரியாயேன ஜானந்தஸ்ஸாதி யஸ்ஸ கஸ்ஸசி ஜானந்தஸ்ஸ பரியாயேன வுத்தமுஸாவாதோ³தி அத்தோ².

446. அனுயோகோ³ ந தா³தப்³போ³தி தேன வுத்தம் அனாதி³யித்வா துண்ஹீ ப⁴விதப்³ப³ந்தி அத்தோ².

பி⁴க்கு²னோவாத³வக்³க³வண்ணனா

454. வோஹாரனிருத்தியம் ஸத்³த³னிருத்தியம். மக்³க³பச்சவேக்க²ணாத³யோ ஏகூனவீஸதி.

உப்³பா³ஹிகவக்³க³வண்ணனா

455. பஸாரேதா மோஹேதா.

அதி⁴கரணவூபஸமவக்³க³வண்ணனா

458. ‘‘யதா²ரத்தந்தி அனுபஸம்பன்னே அபேக்க²தீ’’திபி வத³ந்தி. ‘‘யதா²வுட்³ட⁴ந்தி உபஸம்பன்னே அபேக்க²தீ’’தி லிகி²தம்.

கதி²னத்தா²ரவக்³க³வண்ணனா

467. ‘‘ஏகாவத்தோ’’திபி பட²ந்தி, தஸ்ஸ குத்³தோ⁴ கோதா⁴பி⁴பூ⁴தோதி கிரத்தோ². ஏகவத்தோ²திபி கேசி, உத்தராஸங்க³ம் அபனேத்வா டி²தோதி கிரத்தோ², தம் ஸப்³ப³ம் அட்ட²கதா²யம் உத்³த⁴டபாளியா விருஜ்ஜ²தீதி. ஏகாவட்டோதி ஹி உத்³த⁴டம், தஸ்மா ந க³ஹேதப்³ப³ம். அந்தரா வுத்தகாரணேனாதி ‘‘கிச்சயபஸுதத்தா வந்த³னம் அஸமன்னாஹரந்தோ நலாடம் படிஹஞ்ஞேய்யா’’திஆதி³வுத்தகாரணேன.

உபாலிபஞ்சகவண்ணனா நிட்டி²தா.

ஆபத்திஸமுட்டா²னவண்ணனா

470. புப்³பே³ வுத்தமேவாதி ஸஹஸேய்யாதி³பண்ணத்திவஜ்ஜம். இதரந்தி ஸசித்தகம். தே³ஸேந்தோ, தோ³மனஸ்ஸிகோ அஞ்ஞேஹி பி⁴ம்ஸாபனாதீ³னி கத்வா ஆபத்திம் ஆபஜ்ஜித்வாதி அதி⁴ப்பாயோ.