1. வத்த

தத³த்த²ஸ்ஸேவாதி தஸ்ஸ க்ரியத்த²ஸ்ஸ. யோ கிரியாஸங்கா²தோ அத்தோ தஸ்ஸேவ. ஏதேன ஆதா⁴ரமேதம் க்ரியத்த²ஸ்ஸாதி ஞாபேதி. நஹிச்சாதி³னா தத³த்த²ஸ்ஸேவ விஸேஸனே காரணமாஹ. ஸுத்தம்வினாதிபரேஸம்விய ஸுத்தம் வினா. தாபி வத்தமானேயேவ ப⁴விஸ்ஸந்தீதி இமினா வத்துமிட்ட²த்தாதி ஏத்த² ஸேஸவசனமவபோ³தே⁴தி. ஏவகாரேனா (தி வத்தமானஸ்ஸேவாதி ஏத்த² ஏவஸத்³தே³ன.) தப்³பி³வச்சா²தி வத்தமானவசனிச்சா².

தம்ஸமீபஸ்ஸாதி ஏத்த² தஸத்³தே³ன மஹாகஸ்ஸபஸ்ஸ ஸுப⁴த்³த³வசனானுஸ்ஸரணஸங்கா²தோ மரணப்பத்திஹேது து³க்கா²னுப⁴வஸங்கா²தோ ச கிரியாவிஸேஸோ பரிக்³க³ஹிதோ, தே வா வத்தமானகிரியாவிஸேஸாதி தேஸமுபி⁴ன்னமாஸன்னானி கமேன அத⁴ம்மதீ³பனமரணானி, தேனாஹ-தீ³பன மரணானமாஸன்னத்தா’தி. ஏவம் மஞ்ஞதே ‘‘தக்காலவத்தமானகிரியாவிஸேஸஸ்ஸ தீ³பனமரணஸங்கா²தம் தம்ஸமீபதாவிபி கிரியந்தரம் வத்தமானக்³க³ஹணேன தம்ஸாமீப்யம் க³ய்ஹதி, யதா² (க³ங்கா³ஸமீபோ) தே³ஸோ க³ங்கா³தி வுச்சதி ததோ ‘க³ங்கா³யம் கா³வோ’தி ஸியா’’தி. புரே இச்சாதி³னா பக்க²ந்தரம் விரசிதம் வுத்திகாரேன, தது³பத³ஸ்ஸேதும் முக²யதி ‘ஸபா⁴வதோ’ இச்சாதி³.

கிரியாகாலோதி வத்தமானகிரியாகாலோ. அவஸிஸ்ஸதீதி புரேபுராஸத்³தே³ஹி தீ³பிதஅனாக³தகாலதோ அவஸிஸ்ஸதி. கிரியா காலேதி தீ³பனமரணகிரியாகாலே. தஸ்ஸாதி தீ³பனமரணஸ்ஸ. வத்தமானத்தாதி ஏத்த² வத்தமானேயேவ ப⁴விஸ்ஸந்தீதி ஸேஸோ. அனேனாதி புரேச்சாதி³வுத்திவசனேன. புரேபுராஸத்³தே³ஹி அனாக³தகாலாவக³மே ஸதி தி³ப்பதி மரதீதி ஏத்த² தீ³பனமரணகிரியாகாலோ முக்²யே ததா³ வத்ததீதிஆஹ- ‘முக்²யம் வத்தமானத்தமாஹே’தி. புன பக்க²ந்தரமுபனீதம் காலேச்சாதி³னா வுத்திகாரேன, தமுபத³ஸ்ஸேதும் முக²மாவத்தயதி ‘அனாக³தே’ச்சாதி³.

வுத்தியம் காலப்³யத்தயோதி காலாதிவத்தனம், வத்தமானகாலாதிக்கமேன அனாக³தகாலேபி பா³ஹுலகாத்யாத³யோ ஹோந்தீதி அதி⁴ப்பாயோ. ததே³வ ஸமத்தே²தி ‘ப⁴வந்தேவ’இச்சாதி³னா. த்யாத³யோதீமினா ஸப்³பே³ஸம் ஆக்²யாதிகானம் க³ஹணம். லஸ்ஸ தீ³கோ⁴தி ஸம்ப³ந்தோ⁴. க³ச்ச²தீதி ஸக்கஸ்ஸ ஸஹபா⁴வம் க³மிஸ்ஸதீதி அத்தோ².