326. කක්කාරුජාතකං (4-3-6)
101. කායෙන යො නාවහරෙ, වාචාය න මුසා භණෙ;
යසො ලද්ධා න මජ්ජෙය්ය, ස වෙ කක්කාරුමරහති.
102. ධම්මෙන විත්තමෙසෙය්ය, න නිකත්යා ධනං හරෙ;
භොගෙ ලද්ධා න මජ්ජෙය්ය, ස වෙ කක්කාරුමරහති.
103. යස්ස චිත්තං අහාලිද්දං, සද්ධා ච අවිරාගිනී;
එකො සාදුං න භුඤ්ජෙය්ය, ස වෙ කක්කාරුමරහති.
104. සම්මුඛා වා තිරොක්ඛා වා [පරොක්ඛා වා (පී.), පරම්මුඛා (ක.)], යො සන්තෙ න පරිභාසති;
යථාවාදී තථාකාරී, ස වෙ කක්කාරුමරහතීති.
කක්කාරුජාතකං ඡට්ඨං.