300. වකජාතකං (3-5-10)

148. පරපාණරොධා [පරපාණඝාතෙ (ස්‍යා.), පරපාණරොචං (ක.)] ජීවන්තො, මංසලොහිතභොජනො;

වකො වතං සමාදාය, උපපජ්ජි උපොසථං.

149. තස්ස සක්කො වතඤ්ඤාය, අජරූපෙනුපාගමි;

වීතතපො අජ්ඣප්පත්තො, භඤ්ජි ලොහිතපො තපං.

150. එවමෙව ඉධෙකච්චෙ, සමාදානම්හි දුබ්බලා;

ලහුං කරොන්ති අත්තානං, වකොව අජකාරණාති.

වකජාතකං දසමං.

කුම්භවග්ගො පඤ්චමො.

තස්සුද්දානං –

වරකුම්භ සුපත්තසිරිව්හයනො, සුචිසම්මත බින්දුසරො චුසභො;

සරිතංපති චණ්ඩි ජරාකපිනා, අථ මක්කටියා වකකෙන දසාති.

අථ වග්ගුද්දානං –

සඞ්කප්පො පදුමො චෙව, උදපානෙන තතියං;

අබ්භන්තරං ඝටභෙදං, තිකනිපාතම්හිලඞ්කතන්ති.

තිකනිපාතං නිට්ඨිතං.