၁၀. ဒုတိယဥပ္ပါဒသုတ္တံ

၅၃၀. ‘‘ပဉ္စိမာနိ၊ ဘိက္ခဝေ၊ ဣန္ဒြိယာနိ ဘာဝိတာနိ ဗဟုလီကတာနိ အနုပ္ပန္နာနိ ဥပ္ပဇ္ဇန္တိ၊ နာညတြ သုဂတဝိနယာ. ကတမာနိ ပဉ္စ? သဒ္ဓိန္ဒြိယံ၊ ဝီရိယိန္ဒြိယံ၊ သတိန္ဒြိယံ၊ သမာဓိန္ဒြိယံ၊ ပညိန္ဒြိယံ – ဣမာနိ ခေါ၊ ဘိက္ခဝေ၊ ပဉ္စိန္ဒြိယာနိ ဘာဝိတာနိ ဗဟုလီကတာနိ အနုပ္ပန္နာနိ ဥပ္ပဇ္ဇန္တိ၊ နာညတြ သုဂတဝိနယာ’’တိ. ဒသမံ.

သူကရခတဝဂ္ဂေါ ဆဋ္ဌော.

တဿုဒ္ဒါနံ –

သာလံ မလ္လိကံ သေခေါ စ၊ ပဒံ သာရံ ပတိဋ္ဌိတံ၊

ဗြဟ္မသူကရခတာယော၊ ဥပ္ပါဒါ အပရေ ဒုဝေတိ.