(၁၂) ဆ ဂေဟသိတာနိ ဒေါမနဿာနိ

တတ္ထ ကတမာနိ ဆ ဂေဟသိတာနိ ဒေါမနဿာနိ? အမနာပိယေသု ရူပေသု ဂေဟသိတံ စေတသိကံ အသာတံ စေတသိကံ ဒုက္ခံ စေတောသမ္ဖဿဇံ အသာတံ ဒုက္ခံ ဝေဒယိတံ စေတောသမ္ဖဿဇာ အသာတာ ဒုက္ခာ ဝေဒနာ၊ အမနာပိယေသု သဒ္ဒေသု။ပေ။ အမနာပိယေသု ဂန္ဓေသု။ပေ။ အမနာပိယေသု ရသေသု။ပေ။ အမနာပိယေသု ဖောဋ္ဌဗ္ဗေသု။ပေ။ အမနာပိယေသု ဓမ္မေသု ဂေဟသိတံ စေတသိကံ အသာတံ စေတသိကံ ဒုက္ခံ စေတောသမ္ဖဿဇံ အသာတံ ဒုက္ခံ ဝေဒယိတံ စေတောသမ္ဖဿဇာ အသာတာ ဒုက္ခာ ဝေဒနာ – ဣမာနိ ဆ ဂေဟသိတာနိ ဒေါမနဿာနိ.