(၁၃) ဆ ဂေဟသိတာ ဥပေက္ခာ

တတ္ထ ကတမာ ဆ ဂေဟသိတာ ဥပေက္ခာ? ဥပေက္ခာဋ္ဌာနိယေသု ရူပေသု ဂေဟသိတံ စေတသိကံ နေဝ သာတံ နာသာတံ စေတောသမ္ဖဿဇံ အဒုက္ခမသုခံ ဝေဒယိတံ စေတောသမ္ဖဿဇာ အဒုက္ခမသုခါ ဝေဒနာ၊ ဥပေက္ခာဋ္ဌာနိယေသု သဒ္ဒေသု။ပေ။ ဥပေက္ခာဋ္ဌာနိယေသု ဂန္ဓေသု။ပေ။ ဥပေက္ခာဋ္ဌာနိယေသု ရသေသု။ပေ။ ဥပေက္ခာဋ္ဌာနိယေသု ဖောဋ္ဌဗ္ဗေသု။ပေ။ ဥပေက္ခာဋ္ဌာနိယေသု ဓမ္မေသု ဂေဟသိတံ စေတသိကံ နေဝ သာတံ နာသာတံ စေတောသမ္ဖဿဇံ အဒုက္ခမသုခံ ဝေဒယိတံ စေတောသမ္ဖဿဇာ အဒုက္ခမသုခါ ဝေဒနာ – ဣမာ ဆ ဂေဟသိတာ ဥပေက္ခာ.