(၉) အပရာပိ တိဿော တဏှာ
၉၁၇. တတ္ထ ကတမာ အပရာပိ တိဿော တဏှာ? ကာမတဏှာ၊ ရူပတဏှာ၊ အရူပတဏှာ.
(က) တတ္ထ ကတမာ ကာမတဏှာ? ကာမဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ကာမတဏှာ’’.
(ခ) တတ္ထ ကတမာ ရူပတဏှာ? ရူပဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ရူပတဏှာ’’.
(ဂ) တတ္ထ ကတမာ အရူပတဏှာ? အရူပဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘အရူပတဏှာ’’. ဣမာ တိဿော တဏှာ.