(၁၀) အပရာပိ တိဿော တဏှာ
၉၁၈. တတ္ထ ကတမာ အပရာပိ တိဿော တဏှာ? ရူပတဏှာ၊ အရူပတဏှာ၊ နိရောဓတဏှာ.
(က) တတ္ထ ကတမာ ရူပတဏှာ? ရူပဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ရူပတဏှာ’’.
(ခ) တတ္ထ ကတမာ အရူပတဏှာ? အရူပဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘အရူပတဏှာ’’.
(ဂ) တတ္ထ ကတမာ နိရောဓတဏှာ? ဥစ္ဆေဒဒိဋ္ဌိသဟဂတော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘နိရောဓတဏှာ’’. ဣမာ တိဿော တဏှာ.