(၈) တိဿော တဏှာ

၉၁၆. တတ္ထ ကတမာ တိဿော တဏှာ? ကာမတဏှာ၊ ဘဝတဏှာ၊ ဝိဘဝတဏှာ.

တတ္ထ ကတမာ ဘဝတဏှာ? ဘဝဒိဋ္ဌိသဟဂတော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ဘဝတဏှာ’’.

တတ္ထ ကတမာ ဝိဘဝတဏှာ? ဥစ္ဆေဒဒိဋ္ဌိသဟဂတော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ဝိဘဝတဏှာ’’. အဝသေသာ တဏှာ ကာမတဏှာ.

တတ္ထ ကတမာ ကာမတဏှာ? ကာမဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ကာမတဏှာ’’.

( ) [(တတ္ထ ကတမာ ဘဝတဏှာ)] ရူပဓာတုအရူပဓာတုပဋိသံယုတ္တော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ဘဝတဏှာ’’.

( ) [(တတ္ထ ကတမာ ဝိဘဝတဏှာ) (?)] ဥစ္ဆေဒဒိဋ္ဌိသဟဂတော ရာဂေါ သာရာဂေါ စိတ္တဿ သာရာဂေါ – အယံ ဝုစ္စတိ ‘‘ဝိဘဝတဏှာ’’. ဣမာ တိဿော တဏှာ.