(၂) တယော အကုသလဝိတက္ကာ

၉၁၀. တတ္ထ ကတမေ တယော အကုသလဝိတက္ကာ? ကာမဝိတက္ကော၊ ဗျာပါဒဝိတက္ကော၊ ဝိဟိံသာဝိတက္ကော.

(က) တတ္ထ ကတမော ကာမဝိတက္ကော? ကာမပဋိသံယုတ္တော တက္ကော ဝိတက္ကော မိစ္ဆာသင်္ကပ္ပေါ – အယံ ဝုစ္စတိ ‘‘ကာမဝိတက္ကော’’.

(ခ) တတ္ထ ကတမော ဗျာပါဒဝိတက္ကော? ဗျာပါဒပဋိသံယုတ္တော တက္ကော ဝိတက္ကော မိစ္ဆာသင်္ကပ္ပေါ – အယံ ဝုစ္စတိ ‘‘ဗျာပါဒဝိတက္ကော’’.

(ဂ) တတ္ထ ကတမော ဝိဟိံသာဝိတက္ကော? ဝိဟိံသာပဋိသံယုတ္တော တက္ကော ဝိတက္ကော မိစ္ဆာသင်္ကပ္ပေါ – အယံ ဝုစ္စတိ ‘‘ဝိဟိံသာဝိတက္ကော’’. ဣမေ တယော အကုသလဝိတက္ကာ.