(၃) တိဿော အကုသလသညာ

၉၁၁. တတ္ထ ကတမာ တိဿော အကုသလသညာ? ကာမသညာ၊ ဗျာပါဒသညာ၊ ဝိဟိံသာသညာ.

(က) တတ္ထ ကတမာ ကာမသညာ? ကာမပဋိသံယုတ္တာ သညာ သဉ္ဇာနနာ သဉ္ဇာနိတတ္တံ – အယံ ဝုစ္စတိ ‘‘ကာမသညာ’’.

(ခ) တတ္ထ ကတမာ ဗျာပါဒသညာ? ဗျာပါဒပဋိသံယုတ္တာ သညာ သဉ္ဇာနနာ သဉ္ဇာနိတတ္တံ – အယံ ဝုစ္စတိ ‘‘ဗျာပါဒသညာ’’.

(ဂ) တတ္ထ ကတမာ ဝိဟိံသာသညာ? ဝိဟိံသာပဋိသံယုတ္တာ သညာ သဉ္ဇာနနာ သဉ္ဇာနိတတ္တံ – အယံ ဝုစ္စတိ ‘‘ဝိဟိံသာသညာ’’. ဣမာ တိဿော အကုသလသညာ.