൧൦. രഹോനിസജ്ജസിക്ഖാപദവണ്ണനാ

ഉപരീതി അചേലകവഗ്ഗേ. ഉപനന്ദസ്സ ചതുത്ഥസിക്ഖാപദേനാതി അപ്പടിച്ഛന്നേ മാതുഗാമേന സദ്ധിം രഹോനിസജ്ജസിക്ഖാപദേന (പാചി. ൨൮൪ ആദയോ). തഞ്ഹി ഉപനന്ദത്ഥേരം ആരബ്ഭ പഞ്ഞത്തേസു ചതുത്ഥഭാവതോ ‘‘ഉപനന്ദസ്സ ചതുത്ഥസിക്ഖാപദ’’ന്തി വുത്തം. യദി ഏകപരിച്ഛേദം, അഥ കസ്മാ വിസും പഞ്ഞത്തന്തി ആഹ ‘‘അട്ഠുപ്പത്തിവസേന പന വിസും പഞ്ഞത്ത’’ന്തി. തത്ഥ അട്ഠുപ്പത്തിവസേനാതി അത്ഥസ്സ ഉപ്പത്തിവസേന, ഭിക്ഖുനിയാ ഏവ രഹോനിസജ്ജായ ഉപ്പത്തിവസേനാതി അത്ഥോ. അയം ഹേത്ഥാധിപ്പായോ – ചതുത്ഥസിക്ഖാപദവത്ഥുതോ ഇമസ്സ സിക്ഖാപദസ്സ വത്ഥുനോ പഠമം ഉപ്പന്നത്താ ഏകപരിച്ഛേദേപി ഇദം പഠമം വിസും പഞ്ഞത്തന്തി.

രഹോനിസജ്ജസിക്ഖാപദവണ്ണനാ നിട്ഠിതാ.

ഓവാദവഗ്ഗോ തതിയോ.