໓. ວິປາກຕ຺ຕິກວຓ຺ຓນາ

໑-໒໓. ໂສເຍວາຕິ ອກຕສມາເສຫິ ປເທຫິ ໂຍ ອຕ຺ໂຖ ວຸຈ຺ຈຕິ, ໂສເຍວ ອຕ຺ໂຖ ວຸຕ຺ໂຕ ໂຫຕິ.

໒໔-໕໒. ຕນ຺ຕິ ຕໍ ວຈນໍ, ຕໍ ວາ ກຏຕ຺ຕາຣູປໍ. ຍສ຺ມາ ຈິຕ຺ຕສມຸຏ຺ຐານສ຺ສ ອຸປາທາຣູປສ຺ສ ຍຖາ ຂນ຺ເຘ ປຏິຈ຺ຈ ອຸປ຺ປຕ຺ຕິ, ຕຖາ ມຫາຠູເຕ ຈ ປຏິຈ຺ຈ ອຸປ຺ປຕ຺ຕິ. ນ ຫິ ຕສ຺ສ ຕທຸຠຍໍ ວິນາ ອຸປ຺ປຕ຺ຕິ ອຕ຺ຖິ, ນ ເອວໍ ກຏຕ຺ຕາຣູປສ຺ສ. ຕຎ຺ຫິ ກມ຺ມສ຺ສ ກຏຕ຺ຕາ ອຸປ຺ປຊ຺ຊມານໍ ມຫາຠູເຕ ປຏິຈ຺ຈ ອຸປ຺ປຊ຺ຊຕິ, ຕສ຺ມາ ຈິຕ຺ຕສມຸຏ຺ຐານໍ ຣູປໍ ອຸປາທາຣູປສ຺ສ ຕໍ ວິເສສໍ ທສ຺ເສຕຸໍ ຕເທວ ວຸຕ຺ຕໍ, ນ ກຏຕ຺ຕາຣູປໍ ວຸຕ຺ຕນ຺ຕິ ອິມມຕ຺ຖໍ ທສ຺ເສຕຸໍ ‘‘ຂນ຺ເຘ ປຏິຈ຺ຈາ’’ຕິອາທິມາຫ. ຍທິປິ ກຏຕ຺ຕາຣູປໍ ‘‘ມຫາຠູເຕ ປຏິຈ຺ຈ ຈິຕ຺ຕສມຸຏ຺ຐານໍ ຣູປໍ ອຸປາທາຣູປ’’ນ຺ຕິ ເອຕ຺ຖ ນ ຄຫິຕໍ, ວຈນນ຺ຕເຣນ ປນ ຄຫິຕເມວາຕິ ທສ຺ເສນ຺ໂຕ ‘‘ປວຕ຺ຕິຍໍ ປນາ’’ຕິອາທິມາຫ. ເອວຎ຺ຈ ກຕ຺ວາຕິ ຂນ຺ເຘ ປຏິຈ຺ຈ ອຸປ຺ປຕ຺ຕິຍາ ອຠາວໂຕເຍວ. ນາຫາຣປຈ຺ຈເຍຕິ ອາຫາຣປຈ຺ຈເຍ ປຈ຺ຈນີຍໂຕ ຐິເຕ. ຕມ຺ປີຕິ ກຏຕ຺ຕາຣູປມ຺ປິ. ຐິຕິກ຺ຂເຓ ກຏຕ຺ຕາຣູປສ຺ສ ອາຫາໂຣ ອຸປຕ຺ຖມ຺ຠໂກ ໂຫຕີຕິ ກຕ຺ວາ ວຸຕ຺ຕໍ ‘‘ອຸປ຺ປາທກ຺ຂເຓ’’ຕິ.

ວິປາກຕ຺ຕິກວຓ຺ຓນາ ນິຏ຺ຐິຕາ.