ໂຈທນາກຓ຺ຑໍ

ອນຸວິຊ຺ຊກກິຈ຺ຈວຓ຺ຓນາ

໓໖໐. ປາຬິຍໍ ຍໍ ໂຂ ຕ຺ວນ຺ຕິອາທີສຸ ຕ຺ວໍ, ອາວຸໂສ, ຍໍ ອິມໍ ຠິກ຺ຂຸໍ ໂຈເທສິ, ຕໍ ກິມ຺ຫິ ໂທເສ ໂຈເທສິ, ກຕຣາຍ ວິປຕ຺ຕິຍາ ໂຈເທສີຕິ ອຕ຺ໂຖ. ເອວໍ ສພ຺ພຕ຺ຖ.

໓໖໑. ອສຸທ຺ຘປຣິສງ຺ກິໂຕຕິ ອສຸທ຺ຘາຍ ອຏ຺ຐາເນ ອຸປ຺ປນ຺ນາຍ ປຣິສງ຺ກາຍ ປຣິສງ຺ກິໂຕ. ເຕນາຫ ‘‘ອມູລກປຣິສງ຺ກິໂຕ’’ຕິ.

໓໖໔. ປາຬິຍໍ ອຸໂປສໂຖ ສາມຄ຺ຄຕ຺ຖາຍາຕິ ວິສຸທ຺ຘານໍ ຠິກ຺ຂູນໍ ອຎ຺ໂຎຎ຺ຎນິຣເປກ຺ໂຂ ອຫຸຕ຺ວາ ອຸໂປສໂຖ ອຸໂປສຖຏ຺ຐານໍ ສນ຺ນິປຕິຕ຺ວາ ‘‘ປາຣິສຸທ຺ຘິໍ ອາຍສ຺ມນ຺ໂຕ ອາໂຣເຈຖ, ປຣິສຸທ຺ເຘຕ຺ຖາຍສ຺ມນ຺ໂຕ, ປຣິສຸທ຺ໂຘ ອຫໍ ອາວຸໂສ’’ຕິອາທິນາ ອຎ຺ຎມຎ຺ຎໍ ປຣິສຸທ຺ຘິວີມໍສນາໂຣຈນວເສນ ອຍຸຕ຺ເຕ ວິວຊ຺ເຊຕ຺ວາ ຍຸຕ຺ເຕເຫວ ກາຍຈິຕ຺ຕສາມຄ຺ຄີກຣຓຕ຺ຖາຍ.

ວິສຸທ຺ຘາຍ ປວາຣຓາຕິ ທິຏ຺ຐສຸຕາທີຫິ ອຎ຺ຎມຎ຺ຎໍ ກຖາເປຕ຺ວາ ວິສຸທ຺ຘິສມ຺ປາທນຕ຺ຖາຍາຕິ ອຕ຺ໂຖ. ອຸໂຠ ເອເຕຕິ ອາມິສປຸຄ຺ຄລນິສ຺ສຍເນ ເອເຕ ອຸໂຠ.

ອນຸວິຊ຺ຊກກິຈ຺ຈວຓ຺ຓນາ ນິຏ຺ຐິຕາ.