໗. ຄພ຺ຠິນີວຄ຺ໂຄ

໑-໒. ຄພ຺ຠິນີອາທິສິກ຺ຂາປທວຓ຺ຓນາ

ປຐມໍ ອຸຕ຺ຕານຕ຺ຖເມວ.

ຖເນ ຠວໍ ຖຎ຺ຎໍ, ຂີຣໍ. ຍໍ ປາເຍຕີຕິ ຍໍ ທາຣກໍ ປາເຍຕິ.

ຄພ຺ຠິນີອາທິສິກ຺ຂາປທວຓ຺ຓນາ ນິຏ຺ຐິຕາ.

໓. ປຐມສິກ຺ຂມານສິກ຺ຂາປທວຓ຺ຓນາ

ປທຠາຊເນ ວຸຕ຺ຕນເຍນາຕິ ‘‘ປາຓາຕິປາຕາ ເວຣມຓິໍ ທ຺ເວ ວສ຺ສານິ ອວີຕິກ຺ກມ຺ມ ສມາທານໍ ສມາທິຍາມິ…ເປ… ວິກາລໂຠຊນາ ເວຣມຓິໍ ທ຺ເວ ວສ຺ສານິ ອວີຕິກ຺ກມ຺ມ ສມາທານໍ ສມາທິຍາມີ’’ຕິ (ປາຈິ. ໑໐໗໙) ປທຠາຊນສມີເປ ອຏ຺ຐຸປ຺ປຕ຺ຕິຍໍ ວຸຕ຺ຕນເຍນ. ອິມາ ປນ ຉ ສິກ຺ຂາໂຍ ສຏ຺ຐິວສ຺ສາຍປິ ປພ຺ພຊິຕາຍ ທາຕພ຺ພາເຍວ, ນ ເອຕາສຸ ອສິກ຺ຂິຕາ ອຸປສມ຺ປາເທຕພ຺ພາ.

ປຐມສິກ຺ຂມານສິກ຺ຂາປທວຓ຺ຓນາ ນິຏ຺ຐິຕາ.

໔-໕. ທຸຕິຍສິກ຺ຂມານາທິສິກ຺ຂາປທວຓ຺ຓນາ

ປທຠາຊເນ ວຸຕ຺ຕາ ອຸປສມ຺ປທາສມ຺ມຸຕິ ນ ທິນ຺ນາ ໂຫຕີຕິ ປທຠາຊນສມີເປ ອຏ຺ຐຸປ຺ປຕ຺ຕິຍໍ ວຸຕ຺ຕາ ອຸປສມ຺ປທາສມ຺ມຸຕິ ຎຕ຺ຕິທຸຕິຍາຍ ກມ຺ມວາຈາຍ ນ ທິນ຺ນາ ໂຫຕິ.

ປຎ຺ຈມໍ ອຸຕ຺ຕານຕ຺ຖເມວ.

ທຸຕິຍສິກ຺ຂມານາທິສິກ຺ຂາປທວຓ຺ຓນາ ນິຏ຺ຐິຕາ.

໖-໑໐. ທຸຕິຍຄິຫິຄຕາທິສິກ຺ຂາປທວຓ຺ຓນາ

ທສວສ຺ສາຍ ຄິຫິຄຕາຍ ສິກ຺ຂາສມ຺ມຸຕິໍ ທຕ຺ວາ ປຣິປຸຓ຺ຓທ຺ວາທສວສ຺ສໍ ອຸປສມ຺ປາເທຕຸໍ ວຏ຺ຏຕິ.

ສຕ຺ຕມອຏ຺ຐມນວມທສມານິ ອຸຕ຺ຕານຕ຺ຖາເນວ.

ທຸຕິຍຄິຫິຄຕາທິສິກ຺ຂາປທວຓ຺ຓນາ ນິຏ຺ຐິຕາ.

ຄພ຺ຠິນີວຄ຺ໂຄ ສຕ຺ຕໂມ.