೧೦. ಛನ್ದಂಅದತ್ವಾಗಮನಸಿಕ್ಖಾಪದವಣ್ಣನಾ

ಆರೋಚಿತಂ ವತ್ಥು ಅವಿನಿಚ್ಛಿತನ್ತಿ ಆರೋಚಿತವತ್ಥು ಆಪತ್ತಿಕಭಾವೇನ ನ ವಿನಿಚ್ಛಿತಂ. ಏತ್ಥ ಚ ಚೋದಕೇನ ಚ ಚುದಿತಕೇನ ಚ ಅತ್ತನೋ ಕಥಾ ಕಥಿತಾ, ಅನುವಿಜ್ಜಕೋ ಸಮ್ಮತೋ, ಏತ್ತಾವತಾ ವತ್ಥುಮೇವ ಆರೋಚಿತಂ ಹೋತೀತಿ ದಟ್ಠಬ್ಬಂ. ಛನ್ದಂ ಅದತ್ವಾ ಉಟ್ಠಾಯಾಸನಾ ಪಕ್ಕಮೇಯ್ಯಾತಿ ‘‘ಕಥಂ ಇದಂ ಕಮ್ಮಂ ಕುಪ್ಪಂ ಅಸ್ಸ, ವಗ್ಗಂ ಅಸ್ಸ, ನ ಕರೇಯ್ಯಾ’’ತಿ (ಪಾಚಿ. ೪೮೧) ಇಮಿನಾ ಅಧಿಪ್ಪಾಯೇನ ಛನ್ದಂ ಅದತ್ವಾ ನಿಸಿನ್ನಾಸನತೋ ಉಟ್ಠಾಯ ಗಚ್ಛೇಯ್ಯ. ತೇನಾಹ ‘‘ಯೋ ಭಿಕ್ಖೂ’’ತಿಆದಿ. ಕಿರಿಯಾಕಿರಿಯನ್ತಿ ಏತ್ಥ ಗಮನಂ ಕಿರಿಯಂ, ಛನ್ದಸ್ಸ ಅದಾನಂ ಅಕಿರಿಯಂ.

ಛನ್ದಂಅದತ್ವಾಗಮನಸಿಕ್ಖಾಪದವಣ್ಣನಾ ನಿಟ್ಠಿತಾ.