೫. ಊನವೀಸತಿವಸ್ಸಸಿಕ್ಖಾಪದವಣ್ಣನಾ

ಗಬ್ಭವೀಸೋಪಿ ಹಿ ‘‘ಪರಿಪುಣ್ಣವೀಸೋ’’ ತ್ವೇವ ಸಙ್ಖಂ ಗಚ್ಛತೀತಿ ಆಹ ‘‘ಪಟಿಸನ್ಧಿಗ್ಗಹಣತೋ ಪಟ್ಠಾಯಾ’’ತಿಆದಿ. ತತ್ಥ ಪಟಿಸನ್ಧಿಗ್ಗಹಣತೋ ಪಟ್ಠಾಯಾತಿ ಯಂ ಮಾತುಕುಚ್ಛಿಸ್ಮಿಂ ಪಠಮಂ ಚಿತ್ತಂ ಉಪ್ಪನ್ನಂ ಪಠಮಂ ವಿಞ್ಞಾಣಂ ಪಾತುಭೂತಂ, ತಂ ಆದಿಂ ಕತ್ವಾ. ಸೋತಿ ಯೋ ಪುಗ್ಗಲೋ ಊನವೀಸತಿವಸ್ಸೋ ಉಪಸಮ್ಪಾದಿತೋ, ಸೋ ಪುಗ್ಗಲೋ. ಅಞ್ಞಂ ಉಪಸಮ್ಪಾದೇತೀತಿ ಉಪಜ್ಝಾಯೋ ವಾ ಕಮ್ಮವಾಚಾಚರಿಯೋ ವಾ ಹುತ್ವಾ ಅಞ್ಞಂ ಪುಗ್ಗಲಂ ಉಪಸಮ್ಪಾದೇತಿ. ತನ್ತಿ ಊನವೀಸತಿವಸ್ಸಂ ಪುಗ್ಗಲಂ. ಸೀಮಂ ವಾ ಸಮ್ಮನ್ನತೀತಿ ನವಂ ಸೀಮಂ ಬನ್ಧತಿ.

ಊನವೀಸತಿವಸ್ಸಸಿಕ್ಖಾಪದವಣ್ಣನಾ ನಿಟ್ಠಿತಾ.