೨. ಅಙ್ಗುಲಿಪತೋದಕಸಿಕ್ಖಾಪದವಣ್ಣನಾ

ಹಸಾಧಿಪ್ಪಾಯಸ್ಸಾತಿ ಖಿಡ್ಡಾಧಿಪ್ಪಾಯಸ್ಸ, ಇಮಿನಾ ಕಾಯಸಂಸಗ್ಗಾಧಿಪ್ಪಾಯಂ ಪಟಿಕ್ಖಿಪತಿ.

ಏತ್ಥ ಚ ಭಿಕ್ಖುನಿಮ್ಪಿ ಹಸಾಧಿಪ್ಪಾಯೇನ ಫುಸತೋ ಭಿಕ್ಖುಸ್ಸ ದುಕ್ಕಟಂ. ತಥಾ ಭಿಕ್ಖುಮ್ಪಿ ಫುಸನ್ತಿಯಾ ಭಿಕ್ಖುನಿಯಾತಿ ಆಹ ‘‘ಇಧ ಪನ ಭಿಕ್ಖುನೀಪಿ ಭಿಕ್ಖುಸ್ಸ, ಭಿಕ್ಖು ಚ ಭಿಕ್ಖುನಿಯಾ ಅನುಪಸಮ್ಪನ್ನೋ ಏವಾ’’ತಿ. ಕಾಯಪ್ಪಟಿಬದ್ಧಾದೀಸು ಸಬ್ಬತ್ಥಾತಿ ‘‘ಕಾಯೇನ ಕಾಯಪ್ಪಟಿಬದ್ಧೇ, ಕಾಯಪ್ಪಟಿಬದ್ಧೇನ ಕಾಯೇ, ಕಾಯಪ್ಪಟಿಬದ್ಧೇನ ಕಾಯಪ್ಪಟಿಬದ್ಧೇ, ನಿಸ್ಸಗ್ಗಿಯೇನ ಕಾಯೇ, ನಿಸ್ಸಗ್ಗಿಯೇನ ಕಾಯಪ್ಪಟಿಬದ್ಧೇ, ನಿಸ್ಸಗ್ಗಿಯೇನ ನಿಸ್ಸಗ್ಗಿಯೇ’’ತಿ (ಪಾಚಿ. ೩೩೨) ಸಬ್ಬತ್ಥ. ಸತಿ ಕರಣೀಯೇ ಆಮಸತೋತಿ ಸತಿ ಕರಣೀಯೇ ಪುರಿಸಂ ಆಮಸತೋ ಅನಾಪತ್ತಿ. ಇತ್ಥೀ ಪನ ಸತಿ ಕರಣೀಯೇಪಿ ಆಮಸಿತುಂ ನ ವಟ್ಟತಿ.

ಅಙ್ಗುಲಿಪತೋದಕಸಿಕ್ಖಾಪದವಣ್ಣನಾ ನಿಟ್ಠಿತಾ.