೩೩೦. ಸೀಲವೀಮಂಸಜಾತಕಂ (೪-೩-೧೦)

೧೧೭. ಸೀಲಂ ಕಿರೇವ ಕಲ್ಯಾಣಂ, ಸೀಲಂ ಲೋಕೇ ಅನುತ್ತರಂ;

ಪಸ್ಸ ಘೋರವಿಸೋ ನಾಗೋ, ಸೀಲವಾತಿ ನ ಹಞ್ಞತಿ.

೧೧೮. ಯಾವದೇವಸ್ಸಹೂ ಕಿಞ್ಚಿ, ತಾವದೇವ ಅಖಾದಿಸುಂ;

ಸಙ್ಗಮ್ಮ ಕುಲಲಾ ಲೋಕೇ, ನ ಹಿಂಸನ್ತಿ ಅಕಿಞ್ಚನಂ.

೧೧೯. ಸುಖಂ ನಿರಾಸಾ ಸುಪತಿ, ಆಸಾ ಫಲವತೀ ಸುಖಾ;

ಆಸಂ ನಿರಾಸಂ ಕತ್ವಾನ, ಸುಖಂ ಸುಪತಿ ಪಿಙ್ಗಲಾ.

೧೨೦. ನ ಸಮಾಧಿಪರೋ ಅತ್ಥಿ, ಅಸ್ಮಿಂ ಲೋಕೇ ಪರಮ್ಹಿ ಚ;

ನ ಪರಂ ನಾಪಿ ಅತ್ತಾನಂ, ವಿಹಿಂಸತಿ ಸಮಾಹಿತೋತಿ.

ಸೀಲವೀಮಂಸಜಾತಕಂ ದಸಮಂ.

ಕುಟಿದೂಸಕವಗ್ಗೋ ತತಿಯೋ.

ತಸ್ಸುದ್ದಾನಂ –

ಸಮನುಸ್ಸ -ಸದುದ್ದುಭ-ಯಾಚನಕೋ, ಅಥ ಮೇಣ್ಡವರುತ್ತಮ-ಗೋಧವರೋ;

ಅಥ ಕಾಯಸಕೇಪುಕ ಭೋತೀವರೋ, ಅಥ ರಾಧಸುಸೀಲವರೇನ ದಸಾತಿ.