೩೧೪. ಲೋಹಕುಮ್ಭಿಜಾತಕಂ (೪-೨-೪)

೫೩. ದುಜ್ಜೀವಿತಮಜೀವಿಮ್ಹ, ಯೇ ಸನ್ತೇ [ಯೇಸಂ ನೋ (ಸ್ಯಾ. ಕ.)] ನ ದದಮ್ಹಸೇ;

ವಿಜ್ಜಮಾನೇಸು ಭೋಗೇಸು, ದೀಪಂ ನಾಕಮ್ಹ ಅತ್ತನೋ.

೫೪. ಸಟ್ಠಿ [ಸಟ್ಠಿಂ (ಸ್ಯಾ.)] ವಸ್ಸಸಹಸ್ಸಾನಿ, ಪರಿಪುಣ್ಣಾನಿ ಸಬ್ಬಸೋ;

ನಿರಯೇ ಪಚ್ಚಮಾನಾನಂ, ಕದಾ ಅನ್ತೋ ಭವಿಸ್ಸತಿ.

೫೫. ನತ್ಥಿ ಅನ್ತೋ ಕುತೋ ಅನ್ತೋ, ನ ಅನ್ತೋ ಪಟಿದಿಸ್ಸತಿ;

ತದಾ ಹಿ ಪಕತಂ ಪಾಪಂ, ಮಮ ತುಯ್ಹಞ್ಚ ಮಾರಿಸಾ [ಮಾರಿಸ (ಸೀ. ಸ್ಯಾ. ಪೀ.)].

೫೬. ಸೋಹಂ ನೂನ ಇತೋ ಗನ್ತ್ವಾ, ಯೋನಿಂ ಲದ್ಧಾನ ಮಾನುಸಿಂ;

ವದಞ್ಞೂ ಸೀಲಸಮ್ಪನ್ನೋ, ಕಾಹಾಮಿ ಕುಸಲಂ ಬಹುನ್ತಿ.

ಲೋಹಕುಮ್ಭಿಜಾತಕಂ ಚತುತ್ಥಂ.