೨-೪. ಬಲಾದಿವಾರತ್ತಯವಣ್ಣನಾ

೨೪-೨೭. ಇನ್ದ್ರಿಯವಾರೇ ವುತ್ತನಯೇನೇವ ಬಲವಾರೋಪಿ ವೇದಿತಬ್ಬೋ. ಬೋಜ್ಝಙ್ಗಮಗ್ಗಙ್ಗವಾರಾ ಪರಿಯಾಯೇನ ವುತ್ತಾ, ನ ಯಥಾಲಕ್ಖಣವಸೇನ. ಮಗ್ಗಙ್ಗವಾರೇ ಸಮ್ಮಾವಾಚಾಕಮ್ಮನ್ತಾಜೀವಾ ಮೇತ್ತಾಯ ಪುಬ್ಬಭಾಗವಸೇನ ವುತ್ತಾ, ನ ಅಪ್ಪನಾವಸೇನ. ನ ಹಿ ಏತೇ ಮೇತ್ತಾಯ ಸಹ ಭವನ್ತಿ. ಸಬ್ಬೇಸಂ ಪಾಣಾನನ್ತಿಆದೀನಂ ಸೇಸವಾರಾನಮ್ಪಿ ಸತ್ತವಾರೇ ವುತ್ತನಯೇನೇವ ಅತ್ಥೋ ವೇದಿತಬ್ಬೋ. ಮೇತ್ತಾಭಾವನಾವಿಧಾನಂ ಪನ ವಿಸುದ್ಧಿಮಗ್ಗತೋ (ವಿಸುದ್ಧಿ. ೧.೨೪೦ ಆದಯೋ) ಗಹೇತಬ್ಬನ್ತಿ.

ಮೇತ್ತಾಕಥಾವಣ್ಣನಾ ನಿಟ್ಠಿತಾ.