៤. និស្សយវារវណ្ណនា

៣២៩-៣៣៧. និស្សយបច្ចយភាវន្តិ និស្សយវារេ វុត្តស្ស សហជាតបុរេជាតស្ស ច និស្សយដ្ឋស្ស ធម្មស្ស បច្ចយភាវំ បច្ចយវារេន និយមេតុន្តិ យោជនា. តថា បច្ចយវារេ ‘‘បច្ចយា’’តិ វុត្តស្ស បច្ចយធម្មស្ស សហជាតបុរេជាតភាវំ និស្សយវារេន និយមេតុន្តិ យោជនា. និយមនញ្ចេត្ថ បច្ចយដ្ឋនិស្សយដ្ឋានំ បរិយាយន្តរេន បកាសិតត្តា អត្ថតោ ភេទាភាវទស្សនន្តិ វេទិតព្ពោ. តេន វុត្តំ ‘‘បច្ចយត្តំ នាម និស្សយត្តំ, និស្សយត្តំ នាម បច្ចយត្ត’’ន្តិ.

និស្សយវារវណ្ណនា និដ្ឋិតា.