១០. ឆន្ទំអទត្វាគមនសិក្ខាបទវណ្ណនា

៤៨១. សន្និបាតំ អនាគន្ត្វា ចេ ឆន្ទំ ន ទេតិ, អនាបត្តីតិ ឯកេ. ទុក្កដន្តិ ឯកេ ធម្មកម្មន្តរាយករណាធិប្បាយត្តា. សង្ឃមជ្ឈេ ឆន្ទំ ទាតុំ លភតីតិ កេចិ. ទិន្នឆន្ទេ សង្ឃមជ្ឈំ បវិសិត្វា បុន គតេបិ ឆន្ទោ ន បដិប្បស្សម្ភេយ្យាតិ ចេ? បដិប្បស្សម្ភតិ. កស្មា? ‘‘អហត្ថបាសោ ឆន្ទារហោ’’តិអាទីហិ វិរុជ្ឈនតោ. បាឡិយំ បន ទាតុកាមតាយ ហត្ថបាសំ អតិក្កមន្តំ សន្ធាយ វុត្តន្តិ កេចិ.

ឆន្ទំអទត្វាគមនសិក្ខាបទវណ្ណនា និដ្ឋិតា.