១១. ទុព្ពលសិក្ខាបទវណ្ណនា

៤៨៤-៥. អទាសីតិ អបលោកេត្វា អទាសិ. ភិក្ខូតិ ឯត្ថ តេ ឆព្ពគ្គិយា អត្តានំ បរិវជ្ជយិត្វា ‘‘សង្ឃោ’’តិ អវត្វា ‘‘ភិក្ខូ’’តិ អាហំសុ. បរិណាមេន្តីតិ នេន្តិ. តត្ថ លាភោតិ បទុទ្ធារករណំ ឥធ អនធិប្បេតស្សបិ យស្ស កស្សចិ អត្ថុទ្ធារវសេន លាភទីបនត្ថំ. ចីវរមេវ ហិ ឥធាធិប្បេតំ, តេនេវ ‘‘អញ្ញំ បរិក្ខារំ ទិន្នំ ខីយតិ, អាបត្តិ ទុក្កដស្សា’’តិ វុត្តំ. ទិន្នន្តិ ច បរិក្ខារន្តិ ច ភុម្មត្ថេ ឧបយោគវចនំ.

ទុព្ពលសិក្ខាបទវណ្ណនា និដ្ឋិតា.