៣. ហសធម្មសិក្ខាបទវណ្ណនា

៣៣៦. តតិយេ កថំ តិវេទនំ? ហសាធិប្បាយេនេវ ‘‘បរស្ស ទុក្ខំ ឧប្បាទេស្សាមី’’តិ ឧទកំ ខិបន្តស្ស ទុក្ខវេទនំ. សេសំ ឧត្តានំ.

ឥទំ សញ្ញាវិមោក្ខញ្ចេ, តិកបាចិត្តិយំ កថំ;

កីឡិតំវ អកីឡាតិ, មិច្ឆាគាហេន តំ សិយា.

ឯត្តាវតា កថំ កីឡា, ឥតិ កីឡាយំ ឯវាយំ;

អកីឡាសញ្ញី ហោតេត្ថ, វិនយត្ថំ សមាទយេ.

ឯកន្តាកុសលោ យស្មា, កីឡាយាភិរតមនោ;

តស្មា អកុសលំ ចិត្តំ, ឯកមេវេត្ថ លព្ភតីតិ.

ហសធម្មសិក្ខាបទវណ្ណនា និដ្ឋិតា.