១២. ទុព្ពចសិក្ខាបទវណ្ណនា

៤២៤. បតំ បតិតំ វិវរិ វិវដ្ដយិ. ឯកតោ ឧស្សារេតិ ច គិឡិតតោ ឋបេតិ ច. ឯកបំសុថុបកនទីសង្ខំ ទីឃមូលកបណ្ណសេវាលំ សេវាលំ ទណ្ឌិសិបិប្បរិំ បណកំ បេសិដ្ឋិំ និស្សារេតិ. តិលពីជកន្តិ សុខុមមូលបណ្ណកំ ហុត្វា ឧទកបិដ្ឋេ បត្ថរិកំ ឧទកបប្បដកំ និស្សារេតិ.

៤២៥-៦. ‘‘ទុព្ពច្ចជាតិកោ’’តិបិ បឋន្តិ. អបទានេនាតិ បុរាណកម្មេន. ‘‘កិំ បុព្ពេបិ មយំ ឯវរូបំ ករោមាតិអាទិនា ឯកូនវីសតី’’តិ មហាបច្ចរិយំ កិរ វុត្តំ. មហាអដ្ឋកថាយញ្ច អនុមានសុត្តដ្ឋកថាយញ្ច ‘‘សោឡសវត្ថុកា’’តិ វុត្តំ, តំ សមេតិ.

ទុព្ពចសិក្ខាបទវណ្ណនា និដ្ឋិតា.