២៤២. តជ្ជនីយកម្មកថា

៤០៧. ‘‘ឥធ បន ភិក្ខវេ ភិក្ខុ ភណ្ឌនការកោ’’តិអាទិ វុត្តន្តិ សម្ពន្ធោ. តត្ថាតិ ‘‘ឥធ បន ភិក្ខវេ’’តិអាទិបាឋេ. អនបទានោតិ ឯត្ថ អបបុព្ពោ ទាសទ្ទោ អវខណ្ឌនត្ថោតិ អាហ ‘‘អបទានំ វុច្ចតិ បរិច្ឆេទោ’’តិ. នត្ថិ អបទានំ អវខណ្ឌនំ អាបត្តិបរិយន្តោ ឯតស្សាតិ អនបទានោតិ វចនត្ថោ កាតព្ពោ. សាយេវ បាឡិ វុត្តាតិ សម្ពន្ធោ. តត្ថាតិ តស្សំ បាឡិយំ. កិញ្ចិ អត្ថវិនិច្ឆយំ បាឡិអនុសារេន វិទិតុំ ន សក្កា ន ហោតីតិ យោជនា.

ឥតិ ចម្បេយ្យក្ខន្ធកវណ្ណនាយ យោជនា សមត្តា.