១០. ទសមសិក្ខាបទំ

៩៧៣. ទសមេ អហុន្ទរិកាតិ តស្មិំ កាលេ, ទេសេ វា សម្ពាធស្ស នាមមេតន្តិ អាហ ‘‘អហុន្ទរិកាតិ សម្ពាធា’’តិ.

៩៧៥. យថា ‘‘ឧត្តរិឆប្បញ្ចវាចាហី’’តិ (បាចិ. ៦២-៦៥) ឯត្ថ បញ្ចសទ្ទោ ន កោចិ អត្ថោ, វាចាសិលិដ្ឋត្ថំ លោកវោហារវសេន វុត្តោ, ន ឯវមិធ, ឥធ បន អត្ថោ អត្ថិ, បញ្ច យោជនានិ គច្ឆន្តិយាបិ អនាបត្តិយេវាតិ អាហ ‘‘បវារេត្វា…បេ… អនាបត្តី’’តិ. បច្ចាគច្ឆតីតិ បដិនិវត្តេត្វា អាគច្ឆតីតិ. ទសមំ.

តុវដ្ដវគ្គោ ចតុត្ថោ.