៥. ឩនវីសតិវស្សសិក្ខាបទវណ្ណនា

គព្ភវីសោបិ ហិ ‘‘បរិបុណ្ណវីសោ’’ ត្វេវ សង្ខំ គច្ឆតីតិ អាហ ‘‘បដិសន្ធិគ្គហណតោ បដ្ឋាយា’’តិអាទិ. តត្ថ បដិសន្ធិគ្គហណតោ បដ្ឋាយាតិ យំ មាតុកុច្ឆិស្មិំ បឋមំ ចិត្តំ ឧប្បន្នំ បឋមំ វិញ្ញាណំ បាតុភូតំ, តំ អាទិំ កត្វា. សោតិ យោ បុគ្គលោ ឩនវីសតិវស្សោ ឧបសម្បាទិតោ, សោ បុគ្គលោ. អញ្ញំ ឧបសម្បាទេតីតិ ឧបជ្ឈាយោ វា កម្មវាចាចរិយោ វា ហុត្វា អញ្ញំ បុគ្គលំ ឧបសម្បាទេតិ. តន្តិ ឩនវីសតិវស្សំ បុគ្គលំ. សីមំ វា សម្មន្នតីតិ នវំ សីមំ ពន្ធតិ.

ឩនវីសតិវស្សសិក្ខាបទវណ្ណនា និដ្ឋិតា.