៦. ថេយ្យសត្ថសិក្ខាបទវណ្ណនា

រាជានំ វា វញ្ចេត្វាតិ រាជានំ ថេនេត្វា រញ្ញោ សន្តកំ កិញ្ចិ គហេត្វា, ‘‘ឥទានិ តស្ស ន ទស្សាមា’’តិ មគ្គប្បដិបន្នា អកតកម្មា ចេវ កតកម្មា ច ចោរាតិ វុត្តំ ហោតិ. ឯស នយោ សុង្កំ បរិហរិតុកាមាតិ ឯត្ថាបិ.

កាលវិសង្កេតេនាតិ កាលស្ស វិសង្កេតេន, ទិវសវិសង្កេតេនាតិ វុត្តំ ហោតិ. មគ្គវិសង្កេតេន, បន អដវិវិសង្កេតេន វា គច្ឆតោ អាបត្តិយេវ.

ថេយ្យសត្ថសិក្ខាបទវណ្ណនា និដ្ឋិតា.